[جعفر المندلاوي]

لن ندفع
======
هذه القصيدة ردا على وزير الكهرباء الذي أراد ان يزيد من اسعار الطاقة الكهربائية التي يستهلكها المواطن .......
بقلمي جعفر ملا عبد المندلاوي
16-4-2015
لا يا وزيـر الكهرباء ==== لتـزيد ضـيم الفـقـراء
شما قررت أو زيّدت === اسعار الطاقة بلا حياء
لا للدفع صار الشعار === كلمة شعب عايش بلاء
إسحب قرارك بالعجل == هذا الحرب عالبســطاء
بالك تحارب هالشـعب == بالك تعـادي الضــعفاء
ما ظل صــبر بينه بعـد == كافـي ظـلم يالســخفاء
تسرق يتيم وأرملة === وتزيد دخل الأغــنياء
أهل السياسة أهل الغدر = أهل المكـر والخيلاء
متخاف ربك يا وزير == متهاب جبار الســماء
باجر تموت وتنقبر ===والموت محتوم القضاء
وحساب كل ظالم بغى == يتخاصم بيوم الجزاء
متفكر بحال الوطن === لو انت من الدخــلاء
حتى ضميرك لو مات == انت ورئيس الوزراء
احسن الك عوف الامر == مالك شغل بالكهرباء
لا يا وزير الكهرباء == إحذر غضب شعب الإباء