[الشاعر سعيد الفتلاوي]

قصيدة / عالعسكري يا شيعي ونّ وْ نوح

........................................
.............................



عالعسكري يا شيعي ونّ وْ نوح

صبّ الدمع وانصب عزه بْهاي المسيّه

واسي الامام المنتظر ابن الزچيّه

عالعسكري يا شيعي ونّ وْ نوح

.............................

ون عالامام العسكري بْليلة مصابه - قيم العزه اعله ابن النبي وانعه الشبابه

وانعه بْعزائك عالزكي وْاذكر عذابه – گظّه العمر سجن وْقهر ضيم وْاذيّه

.........

يا شيعي دين اللي ارتكب هاي الجريمه – يْحشره الاله القاهر بْناره الحميمه

اليتّم ولينه المنتظر من هالظليمه – سم الزكي وابن الوصي حامي الحميّه

.........

عزّي النبي وْعزّي الوصي بْفخر الهواشم – وْعزّي البتول الطاهره وْعزّي الفواطم

وبْكل مدينه انصب عزه وْقيم المآتم – وْ جدد عزاك اعله الجره بالغاضريّه

.........

عاللي نْغدر صبّ الدمع واسي امامك – للمهدي واسي بْدمعتك وانصب عزائك

سمّع امامك ونّتك واعلن حدادك – غيظ الدواعش بالعزه والناصبيّه

.........

خاب البغي ابن الناصبي الهدّم ضريحه – شامخ يظلِّ بْسامره وْفنّه اليزيحه

كلمن يعادي اهل النبي يْموت بْفضيحه – ياهو الذي يشفع اله بْيوم المنيّه



............................................

............................................


خادم اهل البيت ( ع )

الشاعر الحسيني

سعيد الفتلاوي الطويرجاوي