[شجر الاراك]

من سوالف كبل
راح احجيلكم قصة ..
هذا اكو فلاح بزمن الاحتلال البريطاني فيوم من الايام جان رايح للبستان مالته ....
واتفاجئ شاف جندي بريطاني شاد حبل على نخلتين ويتمرجح
طبعاً انهضم جداً
وباوع على النخله
وكال
يانخلة جـــــــــــــدي الربانه
فوكج هذا يمد ذرعانه ؟
..
لكطع رجــــــــــــليه واثنيها
يتمرجح بيج وهذا انه ؟
......
بعدها الجندي حس أن الفلاح يريد يتعارك ويا وفعلاً بدأ واحد يجر الثاني إلا أن الجندي البريطاني رمه الفلاح بالتفكه بهاي الأثناء الفلاح عض الجندي بركبته ومثل ما يكولون عضة موت
وماتو اثنينهم ..
الوادم سمعت صوت التفكه وفزعت وجان من ضمنهم ام الفلاح
شافت ابنها ميت وماعايف ثاره ...
فكالت ..
كالو ثارت واركض جيـــــــتك
اعثر وزحف ليك اوشاله ..
..
ومن شفتك رديت بحـــيلي
عفيه ابني الكاتل كتاله ...