السياسه والدواعش
************
السياسي البرلماني مدري ياطينه // على ركّبة وطنَّه أيحد سجاجينه
داعش صار محبوبه
وين أخلآقه مكتوبه
*************
هم بعد بالامل نحلم باجر أتبيَّن الغبشه
أمتيازات ومناصب حقَّه عن الوطن يعشه
مايهمَّه شما يضرنه ألأهم يشوف كرشه
أنتخبته الناس وثبت
والكرسي بسماره نبت
وبملعبه الطوبه صفت
ويبني بالوكَات كرشه
أستوه حلف وحتاج كفّاره // ناسي الله الرقيب أعليه يطم عاره
المجلس صار أكذوبه
وين أخلآقه مكتوبه
*************
بارزاني شرَّه واضح عمامة أرهاب أعله راسه
أيدوِّر الفرصه ويغامر يريد يحرك حتَّه ناســــه
لاتظن ناســـــــــــي ضميره موَّته وبالجدم داسه
كردي عنصري للوطن ماحبَّه // راح أيطيح حظَّه ويعثر بدربه
بقوميته لعب طوبه
وين أخلآقه مكتوبه
*************
بجاه يومك ياعلينه ودمَّك الخضَّب زمنَّه
عالوطن نقره السلامه بجفَّك أتعبره المحنه
السياسه والدواعش ياعلـــــي ذبحت أملنه
عضّينه أصبعنه ندم
والامل ذبحوا ماسلم
وردّوا بلادي للعدم
أنضحي منحقق حلمنه
أدركَنه يحيدر ضاع تالينه // أبتلينه بالدواش وبسياسينه
النار يزيحه الصوبه
وين أخلآقه مكتوبه
*************
للعدل أجمل معاني أتجسدت بجفوف حلمك
هواي صرنه بعاد عنَّك حروب من فاركّنه سلمك
تاهت علينه المراسي ياسفينه التجي يمَّك
يابو الحسن يم عتبتك
كل يوم أحنه بذمّتك
ردَّت أدين الذبحتك
تريد تمحي ذكر أسمك
بالمحراب من أنهدمت أركانه // وبدم الحسين الحسين أنعاد بنيانه
وكلمن غرك بذنوبه
وين أخلآقه مكتوبه
*************
الخلآص نريده بيدك ويانه تحضرهه المواقف
مثل يوم حسين عينك شافته ومثله ألنه شايف
حالنــه حــال اليتامه الليـــــل من يستره خايف
للمهدي أدعي بالفرج
ولخيول نصر الحق سرج
يوميه ياحيدر حرج
هواي أباطيل وسوالف
يامنصور أمت باجر يصفّيهه // وأركان الهدى بيمينه يبنيهه
ماتنفع بعد توبه
وين أخلآقه مكتوبه
السياسي والدواعش
العرض الشجري