[خالد محمد مهدي]

(( عيني حماك))

************

أخذ جفَّي وطنَّه وأخذ عيني حماك

وكل كَصَّه بله غيره بحَّدك أصكَعهه

أمي ناذرتني بهزَّة الكاروك

دلول الوطن يحتاج أسبعهه

وأنته السبع بيهم يبني أعرفنّك

جنت الغيره من ثداي ترضعهه

كبرت جندي صرت وتجادح من الغيض

وروحي اعله الحدود ألغام أوزّعهه

بمكَفاي تطّش الماي تدعيلي

تريد الجبهه بالأموات أربعهه

أمي موخايبه الطيبَ العراقيَّه

أطَّت للتضحيات دروس أبدعهه

وصرت ماأعرف العيله ولحب عايل

علمتني أعله عزَّت نفس شقنعهه

ياهو الورطَك ويّاي ياداعش

مخبِّر مارجع وأخباره تسمعهه

شبعنه الكواسر من عفن لحمك

وليمه اليوم عدنه وخل نشبّعهه

العبايه أستحت منَّك ألهه موكَدهه

والبوشيَّه هم مستحيَه أنزعهه

عيب عليك يالماتعرف العيبه

هاي شواربك بالماي نكِّعهه

من زغري جنت مافارك التابوت

أدري الحضن أمي روحي أشيِّعهه

مانصحك ترد أرجع وكَابلني

ياعار الزلم والعارمنَّك ذل

بالدم واللحم بطنك تشبّعهه

أنه أبن المنحنت للظيم لوجاهه

وقدمت للصبر من صورته أروعهه

وآنه أبن العراق وأبن أبويه الحر

عالي راسي يبقه وراسه أرفعهه

أنه أخته التهلهل لو رجع نعشي

والجكليت ومبلس توزعهه

أنه أبن المرجعيَّه وخيرهه الفيَاض

أحميهه العقيده وأحمي منبعهه