[عدنان منعم]

انولد محبوبنه .. حسين نبض كلوبنه
ياحسين .. ياحسين
لزينب نهنـــــي بزغ نور الحـــنين
نبارك الـــــعباس ميلاد الحــــــسين
كون يم صحنه يبت حيدر تـــــجين
انتي جنة عدن بين الحــــــــــــرمين
تربي ليج عيونه .. حسين نبض كلوبنه

نعشكك شعبان ياشهر الشـــــــــهور
تبقى شامخ ياشهــــــر فوك الدهور
احتارت بوصفك ياشعبان السطور
حسين بيـــــــــــك انولد يامنبع النور
انته نور دروبنه ..حسين نبض كلوبنه

عدنه حب حسين يجري وي الوريد
وعن طريقك ابد مالحظه نحـــــــيد
ساكن الدلال مولانه الشـــــــــــهيد
بالكلــــــــب حبك يبو الاكبر يزيد
تزول بيك اذنوبنه.. حسين نبض كلوبنه



بكل وكت يزداد لحســـــين الــــحنين
اي وحك حســـــين منعوف الحــسين
الدين بيك بكــــــــــــربله ثابت الدين
وصارت محبيتك شعار اعلا السنين
نبايعك محبوبنه .. حسين نبض كلوبنه
شما تـــــجور الدنيه خدامك نصـــــــير
ياابو الســـــجاد يانبض الضـــــــــــمير
بيك والــــــعباس معكود المـــــــــصير
واليعوفك بالحـــــشر حتما يــــــــــحير
ماتخيب اظنونه .. حسين نبض كلوبنه
وياك شـــــــــيعه وياك نبقى بكل زمان
بس ببو الســــــــــجاد مظمونه الجنان
حســــــــــــين يوم الواقعه هوه الامان
وعاشر حســـين الصبح صك الظمان
نفاركك يردونه .. حسين نبض كلوبنه


خادم الحسين .. عدنان منعم