[خالد محمد مهدي]

((يقاسم))

**************

قسمتي هاي من عدلك يقاسم

الدمع والنوح لحزانـي يقاسم

يصيح الكلب يايمّـــــه يقاسم

شوكت ترجع وحنّيك بأديَّه

*************

(41 ) ( يافرح عمري )

******************

يبني يجاسم ** ياوكت أحنّيك

أرجع للحنـــــــه شابكهه**شموعك بالخيمه أعلكهه

يافرح عمري ** وين أراضيك

**------------------------**

كَلبــــي شيصبره أبعادك راح بفراكك تلجمه

دمع من عينــــــــي ييمه سال عالوجنات دمَّه

شال همّي وحنه ضلوعــــه همّي ياعريس همَّه

مليانه عيني بالبجــــــــي

همّ اعله همّي ينتجــــــي

شيفيد وي دهري الحجي**يُمّه راح العين تعمه

ترجعلي سالم ** عيني تراعيك

ماكلت هاي أم وحكهه**شموعك بالخيمه أعلكهه

يافرح عمري ** وين أراضيك

**------------------------**

والــــــده شـيبقه بكلبهه ضناهه لوعافته لحظه

شحالني أمودّعه سنينك والهموم ونــوح أحضه

دون ابو اليمَّه نذرتــــه عمرك ويمَّه آنه أرضه

صح أبغيابــــــــك أنفجع

والسلوه يبقالـــــي الدمع

أتعايش أويا هل الوضع** عمري ذايب شمعه ومضه

لوترد غانم **بالفرحه ألاكيك

راح أتموت أمَّك الحكهه **شموعك بالخيمه أعلكهه

يافرح عمري ** وين أراضيك

**------------------------**

الليــــل لو مرني بغيابك الكمر نوحي يسمعه

أيحن على نوحي وجايه ينزّل النجمات دمعه

يضيك صدري ونفس كوَّه كَلبي يايمّه شيقنعه

الروح تبقه بخيمتك

بالأمــل تنطر جيَّتك

قسمتي عنّي أخرتك ** دمع عيني من يمنعه

يبن الفواطم ** روحي تحاميك

عنَّك لسيوف أتشابكهه**شموعك بالخيمه أعلكهه

يافرح عمري ** وين أراضيك

**------------------------**

أميَن ما لعيون صدَتّ يخطف كبالـــــــــــي خيالك

عليك اعتب مرَّه يبني ومرَّه يبنب أبجي أعله حالك

شيب راسي من بقالـه ربــــاي أريدنّــــــــه ودلالك

أتنومس بيــــــوم الفرح

والكلب بالفرحه أنجرح

كدّامـــــي بالطف أنذبح**هم يمُر هظمي أعله بالك

الباري عالم ** الكلب ماناسيك

لو تنساك الروح أتحكهه**شموعك بالخيمه أعلكهه

يافرح عمري ** وين أراضيك

**------------------------**

شــــمعه أعلكهه السنينك وشمعه يمّه تذوب منّي

صـاح وجداني وضميرالك يوم تغيب عنّـــــــي

لاجــــــن الغيبه طويله يمَّه بالطف صدك ظنّي

ويَّـــه ابـــو اليمه الوعد

منذور توفــــــــي للعهد

يبني الحسن كلبي أعتمد

للزجيَّه أتروح عنّي

خيالي حالم ** وطيفي يتانيك

ولأحلآمي الزفَّه أتسابكهه **شموعك بالخيمه أعلكهه

يافرح عمري ** وين أراضيك

**------------------------**


http://c.shia4up.net/uploads/13763306001.swf