[الشاعر سعيد الفتلاوي]

قصيدة / ون يگلبي
....................................
....................................


ون يگلبي وِانعه ضيم احزانها

بت ولينه الودّعت خوّانها

...................

ياصبر صبرچ يبت روح النبي – يا جبل بالموزمه عالي وْ ابي

ما لواچ الضيم ماهمّچ سبي – والمصايب شفتي كل الوانها

...................

وبوداع حسين ودّعتي الاهل- نور من طه النبي وْ خيرالعمل

هالمصاب الصار حزنه وْ يالازل – الغاضريه حسين ظل عنوانها

...................

ياغريبة كربله عگب الجره – لا بو فاضل يمّچ وْلا حيدره

كل اخوتچ يالعقيله اموذره – والطفوف التشهد وْ ميدانها

...................


والمصاب البيچ مولاتي كلف – ماتحمله ارجال والكل يعترف

مو جبل صبرچ ابد ماينوصف – يالعقيله انتي فخر عدنانها

...................

ماعرفتي الذله ومْصابچ صعب – من خطبتي اهناك بديار الغرب

چن منادي يْصيح من اعله السحب – بت امين الكون حي صيوانها

...................

من رجعتي للمدينه بْيا حزن – والگلب مصيوب يم جدّچ يون

بالمصاب الصار حالچ ممتحن – والشباب الگطعو ابدانها


.....................................
.....................................

خادم اهل البيت ( ع )
الشاعر الحسيني
سعيد الفتلاوي الطويرجاوي