[عدنان منعم]

زمجر العباس طب للمشرعه*ولزم شاطي الموت بيده وركعه
هذا عباس*رفعة الراس
صـكت الحومه واجه يرعد رعد
وكام خيرهم لســـــــــــاعاته يعد
الشاطي قدم منحره وظل مستعد
هذا ابن حيدر علي*والوكفله مبتلي* هذا عباس*رفعة الراس
بسيفه تردم الفصائل والصـفوف
طبها غيرة حيدر وشردت اللوف
سيف ابوفاضل وعنوانه الحتوف
الفوك ساواه بالثرى*ابن قالع خيبره* هذا عباس*رفعة الراس
لو غضب عباس ماظلــت حياة
نزل عزرائيل واعلنــــــها وفاة
وين مثواكم ومالكم نجــــــــــاة
لسيفه ركعت هالزلم* لبن حيدرنه الشهم* هذا عباس*رفعة الراس
صل صليل الموت واصبح عالنهر
وعيد العباس بالــــــــــحومه الكمر
لجل سكنه الوي اعـــــــــنان الدهر
الوي كون الله الفسيح*والشرد منهم يصيح* هذا عباس*رفعة الراس


سيفي بيدي وياهو يكرب للخــــــيم
اغدي بركان واظــــــل ارمي حمم
علم للغــــــــــيره انه ارفـــــع علم
ادرؤس اسوي بكربله*انه ابن عقد الوله* هذا عباس*رفعة الراس
راح اخليها قصص تحجي السنين
شلون عباس الفده بروحه الحسين
قدم اليسره وبعد ضـــــحه اليمين
وعينه ظاربها السهم *وبعد شاهد ياكرم* هذا عباس*رفعة الراس

خادم الحسين*عدنان منعم