[خالد محمد مهدي]

((نتانيهه))
***********
نتانيهــــا نتانيهـــــــــــا ** رايــــه الجف يعلّيها

زلم حاضره للكلفـــــــه ** شراره أوننطلق بيها

تحضّرنه تحضَرنـــــــه ** شدّينـــه الحزم نخوه

ظهر ويَّه الظهر محمي ** كلنــــــه الجيّته فدوه

***************

نحذرك لو تشابجنــــــه ** جفَّك حيــــــــــــل نلويها

عالعيله أبد مانقبــــــــل** راح أتشــوف تاليهـــــــا

أرجع عيده لحســابك ** النتيجه واضحــــه أمبينه

اذا صارت صدك تعرف** والله راسك أنزينــــــه

لا تلعبها ويّانــــــــــــه ** ويّانه أللّعب خســــــران

مثل الغنـــــــم سكناهم ** وشيوخك صفوا غربان

شيعي وحقّي أتفاخـــر ** أرفعت راسي بأسم حيدر

تعلّمت الصبر منَّــــــه ** وأشــد موقف عليــه أكَدر

نوفي الذمّه//عزم وهمَّه // حاضر ويّانه

وي لعهود// كل مجهود // والحر يلكَانه

ها خوتي ها

عالحك مانتهاون .. تشهد كل دانه

**---------------------------**

بديتوهــــا بديتوهــا ** لكـــــــن وين آخرها

تحدّينــــه تحدّينــــه ** وألنه كــــل مفاخرها

نكَر العين للكلفـــــه ** حديــــد ومن يلاوينه

يرج الكاع ممشانــه ** ونذل أركاب اعادينه

ولد حيدر أو منثنّـي ** الضربه لو ضربناها

تظـل حدودنه جمره ** فنَّه أللي تعدّاهــــــــا

نخلّي نهاركم اظلــم ** عالفقــــــــــار يمنانه

أنصحك ونصح شيوخك ** أبد لاتبلش ويانه

لك بَطلوهــــا// لاتِبدوهـــــــا // مَنرِد أمخَبِّر

أنعِـــــد العِدّه// الجَرح أنشِدّه // لجدام أنكسِّر

هاخوتي ها

بالك لاتكَربنه .. مانرضَه العَيله

مانقبلها أبــــــــــــد والله ** نظرة عين تتعالـــــــه

دومه أجبينه عالـــــــــي ** للموزمه خيّالــــــــــه

عله الحد نعكَر أجدمنــــه** ياويله الكرب يمنــــه

من جيوش الظلم منخاف ** شما جيَّشتوا ماهمنــه

الكــاع الخضره ما تيبس ** بحنان الروح نرويها

شركُـــــم لو لفاها وحط ** نرد جديــــــــد نبنيها

تعلمنه الصبر عالويــــل ** يامه ويامه صالحنــه

ردناهــا سلم لكــــــــــــن** غدر بينه اليصافحنـه

أتكفرونه// وتفجرونه // أنتوا زرعتوها

لاتنسوها// أتذكروها// راح أتحصدوها

هاخوتي ها

أبدال الواحد عشره بمنجل نحصدها

**********************

يرد حسين من ننخـه ** يجينه براية طفوفـــــــه

نرد خيبر نرد صفّين ** يرد عباس بجفوفـــــــه

ترد المشرعـــه أبميّها** من أرواح تتفجـــــــــر

وأطفال الوطن تشرب** يرويها دمه المنحــــــر

زينب ترجع من الشام** تطيّب الضلع وجروحه

وتداوي طبرة الكرار** وتلملم جبده مذبوحـــــه

يظهر الفرج نـــــوره ** علينه برايــــــة أمجاده

وكل مبغض وكل شامت ** خلَّــــه يموت بحقاده

باجـــر صُبحَه// أيهل شوضحه // وبيمنه الرايه

والموعوده// الكل جنوده // بجيشه حمّايه

ها خوتي ها

آيه أتوصّي الايه الرايه منصوره

طلكَي يادنيانه أنتانــــــي ظهوره

جف أبجف نتلآزم يجمعنه سروره

صرخة صوت الكعبه أتحضري يالكوفه

نتعاهد عالنّصره ونريد أنشوفــــــــــــه

الرايه أبجفَّه أتلآلــــــي ونوصل لطفوفه

*********************
((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********