[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يــــــوم دفـــــن فاطمـــــه ( موشح )
ــــــــــــــــــــــــــــــــــــــــــــــــــ ــــــــ
من أبو الحسنيين هال إترابها === فاطمه الزهره إنفجع بمصابها
ــــــــــــــــــــــــــــــــــــــــــــــــــ ـــــ
روح أبو الحسنيين لفراگ البتول == نار تدوي ما تطفيها السيول
وإنفتح باب الرزايا الماتزول == فكدوا الزهره الزجيه أحبابها
ـــــــــ
حق أبو الحسنيين لو دمعه يِهِل == من فقدها الطاهره إليهْوَه إو يجْل
سلوته وإشلون عنّه ترتحِل == والأمَر من شاف ذاك إصوابها
ـــــــ
زينب الكبرى تشاهد هالمصاب == من ابوها ودّع الزهره التراب
فاطمه نادت علي بنتي إبعذاب == إرجع الزينب يداحي بابها
ــــ
شاف أبو الحسنيين بسمار الصدر == شاف ضلع العالمه بيه الكسر
صار عنده إمصاب والگلبه يُطر == والنقيه فجعته بمصابها
ـــــــ
من أبو الحسنيين غَسّل فاطمه == شاف ضلع الصابره حامي الحمه
وإبگلب مجروح وإبحزنه نمه == صاح والأحزان فتحت بابها
ــــــ
شيّع الزهره علي الدار البقاء == شالها إبليل النوايب لا ضياء
اضحت الدنيه إبوجه حيدر هباء == من بعدها آلمه ما نابها
ــــــ
إحنه يلغايب تره بالأنتظار == ثار أمّك تاخذه إبوضح النهار
من هذوله الكَفّروا عندك قرار == تمحي كل مجرم غده سلاّبها
ــــــــــــــــــــــــــــــــــــــــــــــــــ ــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldtxd51848.mp3.html