[كريم السعبري]

زينب نحضر مولهه ---------رب الكون مأيدهه
مولدهه عطر القداح ----------بوجه الظالم حبهه اسلاح
-----------------------
نحضر مولدهه بشوك نهني الكرار-------الحبه وحب العتره متمسه النار
نفرح ونعلك الزينه اليوم بكل دار------وبصوت الحب نصلي بحب المختار
يصلي عل الهادي واله ------------كلبي يسمع مواله
يهتف كل مؤمن لو صاح -----------بوجه الظالم حبهه سلاح
---------------------------
يابت الزهره اليوم نشوف الفرحه ------والكلب الخزن كون يطيب جرحه
وكل شيعي بحبج كون كليبه يسلحه ------والرايد يهدم كبرج كون انذبحه
ونضيع كون اخباره -----------وانخله يوج بناره
مايدري بينه السفاح ------------بوجه الظالم حبهه اسلاح
-----------------------------
ممنون اني ولعيونج ابقه الخادم -----معذوره وما تعرفني هاي الوادم
شمدريهم كلبي بحبج صاير هايم ------احميج وساتر اني بوجه الاثم
احميج وفدوه عيوني -----------خلي بنار يحركوني
كبرج جنه وبيه فلاح --------بوجه الظالم حبهه سلاح
-----------------------------
يايوم المولد زينب عندج ثوره-----واسمج صوت لكل ظالم كون يفجره
نحلف بالضامي ال بل طف كطعو نحره ---كل موقف جفالج هناك يحضره
شايل رايه وشايل سيف--------يرحب بس باليدخل ضيف
والمثلج لازم ترتاح ----بوجه الظالم حبهه سلاح
---------------------------
يل الحره المرقد امن يمج عباس----ميهمج خل تتكالب كل ذيج الناس
راح ايظل اسمج هيبه وبيه رفعة راس----والرايد يجسر منهم لازم ينداس
واكف عل المرقد هيبه ----------مدبر امره وترتيبه
ضنو هوسه وكثر اصياح -------بوجه الظالم حبهه اسلاح
------------------------
كريم السعبري