[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

هــــــذا عبــــــاس ( نزلـــــــــــــــــه )
ــــــــــــــــــــــــــــــــــــــــــــــــــ ـــــــــ
رمز الأقدام وفاها العالمه == هذا عباس إبن حامي الحمه
ــــــــــــــــــــــــــــ
هذا عباس أبو الزود كفيل العايله
يدخل الحوم يطش موت منايا إو نازله
يرجف الجيش إذا صال على أهل البله
يرفع السيف يطر هام أميّه الجاهله
غيرته إتفيض يطرزها الدمه == هذا عباس إبن حامي الحمه
ــــ
هذا عباس يظل دوم يهزها رايته
خدمة إحسين أبو الجود هويته إو غايته
ساﮔــي الماي إذا ﮔال وفاها الكلمته
يكشف الغيم عن إحسين يطرّه إبصولته
بالمجد لاح يريد الغانمه == هذا عباس إبن حامي الحمه
ـــ
هذا عباس شبل سار على نهجك علي
من يطب حوم غضب بيه رزايا تنجلي
بالوغه إيصير لظى إو نار لهيبه يعتلي
يحرﮒ الجور والأشرار تحير إو تنولي
يرتقي الخير يدانيها السمه == هذا عباس إبن حامي الحمه
ــــ
هذا عباس غده سور عقيلة حيدره
من علي الدور وفه إبجود سبعها اﻟﮔنطره
بس مشه إو راح ترك نور يشع يضوي الثره
إﮔصده اليوم أبو الجاه تشوفه إبْمَنبَرَه
ﻳﺳﮔــي الجاي ينقذه إمن الظمه == هذا عباس إبن حامي الحمه
ـــــــ
هذا عباس علم صار يشع جود إو كرم
للشفه الناس تجي إتزور يزيل إلها الألم
كلها تنخاه يهِل خير يجاوبها الأشم
ملجأ التاه والأحباب تناديه إبنعم
ناكره إيزول يظل يشكي العمه == هذا عباس إبن حامي الحمه
ــــــــــــــــــــــــــــــــــــــــــــــــــ ــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldrij42170.mp3.html