[عدنان منعم]

حلم نرجع للمدينه.والكمر يحدي الظعينه
يلحديت الناكه كوم.تقبل نظل بالهموم.حلم نرجع للمدينه
........................
يادمعات البعيني اشرحي ماجــــــــــــره لعباس
الساني ماكدر يحجي شسوت بينه هاي الـــــناس
كل هم الذي بالكون بهم الطف فلا ينقـــــــــــاس
احساسي دمع ودموم بس لوعه صفه الاحسـاس
ياامل ذيج الليالي.خويه كوم انظر الحالي
والعده علينه تحوم.تقبل انظل بالهموم
.........................................
ظنيتك ترد بيه وارجع والحزام اخـــــــــــــوان
ماحسب صفيت انه واســــــــمي للحزن عنوان
اميره اعلا البشر انه تاليـــــــها صفــيت احزان
جفين ونحر وسهام ياالـــــــسامع صـــفه القربان
هامك وجفك وعينك.ومن يحامي علا حسينك
بس بكت منك رسوم.تقبل انظل بالهموم
.............................................





مثل فر الرحه عمري يفر وحـــســـــبتي حســــبه
اجيت بهيبة العـــــباس وهسه حالــــــــــتي صعبه
وبعد عينك صفت زينــــــــب بالبـــيدر مثل حبه
وبطف الغـــــــــــدر خويه صفينه بلااهل غربه
بس الم فكدك ياخويه.انظر الحالي يبويه
اسئل اعليك النجوم. تقبل نظل بالهموم
...........................



تاليها ارد وحدي وانــته اعله النـــــــــــــــــهر نايم
ودمع عيني فطر بجفاك صـــــــــدك مايظل صائم
صمت عن الفرح خويه وفطــوري بس حزن دائم
وكلبي ماكدر بعـــدك يبو فاضــــــــــل يظل هائم
من يصبرني بغيابك.من ارد ينشدني بابك
والدمع ماظن يصوم.تقبل نظل بالهموم
.......................................







ارحل وانته عالغـــــــــــبره شكل ام البـــنين امك
اكلها امكطعه اجفوفه وعلا ظـــهري جبل همك
ولون بيدي يبو الغيره انه اكظــــــي العمر يمك
لجن بينه الشمر يحدي والحاكم صبح خصـــمك
خصمك يقود الظعينه.والشمر يامر علينه
خويه ماترحم الكوم.تقبل انظل بالهموم
....................................
شجاوب للذي يســـــــئل كمركم غايب اهلاله
اكلهم عالنهر عفــــــــته وشاطي الحزن يبراله
وتنعاله جروف الشــــــــــط هيه بلوعه تنعاله
وكباله ابو السجاد يــــــــــــندب لوعة اعياله. كلبي قاسي ومن عفتكم .ميسره راحت اختكم خادم الحسين \ عدنان منعم
مابكت منك اعلوم .تقبل اظل بالهموم