( النص من وزن الفائزي )
قصيدة إلى سيدي و مولاي الامام الصادق سلام الله عليه
ثوابها الى امواتكم و اموات شيعة امير المؤمنين من لا ذاكر لهم يذكرهم و اسألكم الدعاء
ناعي السماء
ناعي السمه الليله نِزَل تبچـي دِمه عيونه
نور العقيده بالغـدر يـا وسفــــــه يطفـونه
مات مسمـوم ... حامي لِعـلـوم
ودمعه هماله .. تشرح الحاله
يا حزن هلغطة المدينــــــة ابثـوب الاحزان ؟
يا شمعة هلليلة انطفــــــــت من دار عدنان ؟
يا صومعه الفرغت وسف من غيث الايمان ؟
يا سم مرد جبدة إمــــــــــام الإنس و الجان ؟
الليلة الدوانيقي ابغدر صاب الچبد صابه
سم الامام الصادق او ظل يبچي محرابه
ويلـــي و الآه ... تبچـــي ويّـاه
ودمعه هماله .. تشرح الحاله
يادهر بسك يا دهر تخطــــــــــــف بالاحباب
شيحمل بعد گلب النبي امن اصناف المصاب
من بعد عصرة فاطمـــــه الزهره وره الباب
مذبوح مسموم انگضــــــــوا اولاده الانجاب
أجر الرسالة امودِّته وما شاف بس لوعه
كلساعه چبده ابنايبـــــة يا دهَــر مفجوعه
بالسم انصـاب ... جعفر و غاب
ودمعه هماله .. تشرح الحاله
جعفر الصــــــــادق بالعلــــــــــــم گضــّه حياته
و البيه يتمســــــــك يصَـــــــــــل حتمـــاً نجـاته
محرابه يشهـــــَـــد ياخلــــــــــگ ما مل صلاته
وسفه الدوانيقي النــــــــــــــــــــذل يرسم مماته
صادق العتره ابلا ذنب راح وگضه نحبه
كل شيعي لمصابه نزف لمصابه دم گلبه
راح مظلــــــوم ... راح مهمـــوم
ودمعه همالــه .. تشرح الحاله
جار الزمن جـــار الزمــــــــن ويلي بالآهات
ننساك يا مُحيــــــــي السُنـــن ننساك هيهات
نبكَه المصابك بالشجــــــــــن نمطــر عذابات
يالمنهجك باقي أمــــل لليــــــــــــــوم ما مات
صرح العقايد بالعلــــم من إنته غذيته
و أبـ سَم چبدتك سيدي وبدمّك افديته
صار عالـــــي ... صــــار غالي
ودمعه هماله .. تشرح الحاله
بالصادق الليلة انفجــع عرش الله و اللوح
ويلي على حال المحــــــن لو زادت النوح
كل ساعه گلب الطاهـــــره فاطمه مجروح
كل ساعه دم الطاهِـــــــره بالغدر مسفــوح
خلصوا ولدها يا زمــن بالآه و الونــّه
كل واحد انصاب ابكتر لو ناشَدِت عنه
ناس اشــرار ... دهر غـــــــدار
ودمعه هماله .. تشرح الحاله
و الصادق بيوم الذي أخمَـــــــــد الانفاس
شيَّعت نعشه شيعته ودفنـــــــــوه هالناس
يا ريت حاضر كربله ويشــوف الارجاس
خلو حسين ابلا دفن جثــــــه و بلا راس
يبگه الزمن يشرح محنكــــم يا بني طه
منبع حزن يرسم نصر بيه احنه نتباهه
هــــــاي جنـّه ... ابلون ونــَّـــه
ودمعه هماله .. تشرح الحاله
07/09/2012
الامام الصادق عليه السلام / لطمية ناعي السماء
العرض الشجري