[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

صـــــــــــرح العقيلـــــــــــه
ــــــــــــــــــــــــــــــــــــــــــــــــــ ــــــ
صرح العقيله إبخطر ياحامــــي الجــار === عادت أميّه إو إجَتْ واﻟﮔوم الأشرار
ـــــ
عادتْ أميّه إو إجَتْ تحمل حُقدها == يـم العقيله إنْتفض مولاي رِدْها
يبن الحسن سيدي وُصْلوه حَدْها == عَمتك تريدك تهل ياطالب الثار
ـــــ
عَمتك تريدك تهل يمها يغايــــــــب == حاطوا ﮔبرها إبحقد ذوله النواصب
ما ظل صبر ياشهم زينب تعاتــــب == ما كفّه ذوله الجَرَه بالطف يمغوار
ــــ
ما كفّه ذوله الجَرَه وإبيوم عاشور == رجْعــوا يلمهم حقد مذموم مسعور
يلمهدي زاد الألم بينه غده إيدور == تهديـــم صرح الوفه يردوه كفّار
ـــــ
تهديم صرح الوفه يبن الزﭼيه == يردوه يلمنتظــــــر هالناصبيّــــــه
إنهضْ يبن حيدره إو نمشي سويّه == نرفع عَمَد رايتك وإنزيل كُل عار
ــــ
نرفع عَمَد رايتك وإنرتّـل الآي == ولزينب العالمه نمشي يمولاي
نطرد فلول الكفر والغازي الجـــــــــاي == وإنصيح ساﮔــي الحرم يحضرها للدار
ـــــــ
وإنصيح ساﮔـــي الحرم يحضرها زينب == يفنيهـــــم الناصبه كُل مَنْ لفه إو هَبْ
وإيظلّل إبرايته وإنصيــــــــــح يارَبْ == عباس غيره إو وفه وإيزيل الأكدار
ــــــــــــــــــــــــــــــــــــــــــــــــــ ـــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldgtm48221.mp3.html