[رفعت حبيب الزبيدي]

خالق ألاكوان شع بالدنيا نور
نور نابع من سلالة فاطمه

من وسط شعبان مولود الخلود
نصبه الرحمن من سابع سمه

بيا سفينه تطوف يا موج اليزيح
وهل علم ألمن ألهك علمه

ياسليل المصطفى ونور البتول
وحيدر الكرار حماي الحمه

والحسن عمك يغايب والحسين
بالطفوف السجّل اعظم ملحمه

جرّد السيف الضلم يالمهدي ساد
وخله من نحر الضلم يكطر دمه

وعيد بمجادك زمان المعجزات
تدري بغيابك سمانه معتّمه

ماحزن عباس جي نحره اكطعوه
وابتسم من طاح جفه ومعصمه

وماتأثر للعطش وبأيده ماي
والدليل الماي مالامس فمه

بس تأثر من درا بيومك بعيد
وهاي جانت فوك حمله القاصمه

ننتظر مولاي يومك ياقريب
وتنتظر سيفك ركاب الشرذمه

أنته موسى ورميتك لازم تصيب
شلون يخطي وربه هو الي رمه

ياوسام الدين ياحبل النجاة
أرفع وأرقى وأجل ألاوسمه

أنت سر الله واليكتم عليل
والعليل شلون سرك يكتمه

.......
الفرج يالمهدي بأصرارك .وجدلك
انوجدنه والوفه بدمنه نوجدلك
لأن حيدر ولي المولى .وجدلك
تضل بيك الولايه السرمديه
............
أللهم عجل ضهور مولانا صاحب العصر والزمان وأجعلنا
من جنده والمستشهدين بين يديه