بالنسبة للحشوة هي كا الآتي :
صدور دجاج مسلوقة بمرقة الدجاج ماجي فقط ....
أقطعها وأخلط معها فلفل أسود ورشة كمون مطحونين وجبنة بوك وجبنة موزريلا مبشورة وشبت مفروم ناعم ....
وطبقي هذا سيد السفرة الطبق الرئيسي ....
ناشف ... لحم ...
بصل جوانح عل النار يتحمر وأضيف اللحم يتحمر وياه .... بعدين أضيف الفلفل الأخضر البارد والبطاطا المقطعة والفاصولياء المقطعة وأحركهم مع بعض وأضيف البهارات (( كمون وليمون أسو (( لومي )) + رشة كاري وبزار مخلوط وثوم مطحون )) وأقلب حتى يختلط مع بعض أضيف طماطم صلصة أحركها وأضيف البندورة المقطعه وأحركها وأضيف الشبتي والكزبرة المفرومين وأحركهم واغطيهم لمدة 5 _ 7 دقايق وأضيف الماء الساخن وأغطيه وأتركه على نار جدا هادئة الاخير بعد ما يستوي اللحم أضيف الملح ....وبالهنا والعافية ...
ويقدم مع الأرز أو خبز التنور اللذيذ !!!
وأخير وليس آخرا ....
طبق الحلو للحلوين ....
آيس كريم المانجو ... لذيذ وسهل وسريع ....
طريقتي في الآيس كريم سهلة جدا ...
يالله حياكم وياي ...
مانجو طازج أستخدمت 3 حبات .. كيس جيلي بنفس الفاكهة المستخدمة بس ما كان عندي غيرت وأستخدمت جيلي بنكهة البرتقال وما غير الطعم ...علبة حليب مركز خالي السم وما كان عندي كريم الخفق استخدمت علبة قشطة نصف دسم ...
جهزت الجيلي بالطريقة العادية وخليته يبرد في الخلاط حطيت الانجو المقشر والمقطع وضف عليه الجيلي وخلطته جيدا وبعدين أضف عليهم الحليب المركز والقشطة وخلطتهم جيدا وحطيتهم في علبة بلاستيك ودخلتهم الفريرز ..
نجي لخلط بسكويت الآيس كريم اللذيذة !!!
خلطت 2 بيض + ربع كوب زبدة + نص كوب سكر استخدمت البودر + 3 ملاعق حليب طازج وخلطتهم بالمضرب السلك وأضفت ليهم ثلث كوب دقيق وخلطتهم وأضفت 3 ملاعق اضافية من الدقيق ... وأخيرا خلطت معهم كيس فانيليا ..
وعلى النار في المقلى صنعت منها أقراص رقيق وشكلتها بسرعة قبل ما تجف ....ونسيت ما صورت ها المرحلة ...ز
واليكم النتيجة النهائية للآيس كريم الشهي ....
والحين أودعكم على أمل اللقاء بكم في عزيمة ثانية ممتعة وتبيض الوجه انشاء الله .... بس قبل الختام لا تنسون رشة ماء الورد والبخور لزوم الضيافة عدنا في البحرين !!!
عاد لا تقطعونا عودوا الزيارة مرة ثانية وياهلا بيكم في أي وقت حياكم الله ...
وفي آمان الله وحفظه ...
تقبلوا تحياتي العطرة ....
سوري طولت ...
العرض الشجري