[اياد الفرح]

يالمهدي جم دوب البعــد كافي من الفــراك

تـــدري بعشكهه شيعتــك محتركه بشـواك

تانينه يمولاي حنينه يمولاي

.......

يــالــمهـدي انتظــرك إلك كصاعد وتــاني

شيصبره المفـــارك محـب والهم غــزاني

تـــدري بعــذابي ولــوعتي انـه وزمــاني

يعقــوب مو مثــلي انتظــر مــل الأمــاني

يعقـــوب شـــايف يوسفه مــو مثلي أنـي

أعـــمه وعـــاني محبتــك شوكـك عماني

سمعني لـــو منــك خبر لا تعـــمه إذانـي

تانينه يمولاي حنينه يمولاي

.....

جربــت غـيــر محبتــك مــا رهمت ويــاي

شلون انه أصيرن مو إلك بالتملك اعضاي

حــالــي صبح حــال الزرع لو فارك الماي

ذبلــت بس حــبك نبض واليجـري بحشاي

ذكـــرك يسلــي خـــاطري يا بعــد سلـواي

يـــا من تـــوفي بالــوعــد بالــوعد وفـاي

وزعت روحي عالدرب وعيوني الك هاي

تانينه يمولاي حنينه يمولاي

.....

مــوجـــود بس نتأملك يالمهدي مـولانـه

يمته نشوف بشــوفتك ونشــوفك ويانـه

تنـــاديك اظهــر شيعتــك اظهر يرجوانه

يمته يرف طــير السعد وتهــفي جنحانه

يمته تثـــور بثــورتك ونرخــص دمـانه

مو تدري زينب والحرم وسكينه حزنانه

ومو تدري بحسين أنذبح كطعو شريانه

تانينه يمولاي حنينه يمولاي

.....

مولاي كلي شصبرك عن وادي الطفـوف

بيه الحرم شــافت الــم ومراشك الخـوف

وبيه العــقيلة اتسلبت بسيـــاط الجتــوف

والجربه صوبهه سهم طاحت والجفـوف

والعطش لو حرك الخيم جم كلب ملهوف

لو عـــن علــيل معلعل وبالحــبل مجتوف

لوعن رقية ام الهضم يا عين الي تشوف

تانينه يمولاي حنينه يمولاي

.......

هــاليلة نشعــلك شمع نعـــلنه الأفــراح

وننثر فـرح ويه الــورد نرجس وقــداح

والورد ذاب ويه الهوه ويفح عطـر فاح

وموشح أوشاح الفــرج محلا هالوشاح

وبالفـرج تظهر سيدي وكل كلب يرتـاح

نعـــاهدك بالدم والك كــل هاي الارواح

المات والحــي سيدي والجــاي والراح

تانينه يمولاي حنينه يمولاي

.......

الخادم

اياد الفرح