جبت لكم اليوم طريقة المحموص مرة ثانية بالخطوات
قبلهـا استأذنكم آخذ بريكـ للفطور وارجع اكمل الموضوع
8:44 am
باكـ
9:44 am
الســـلام عليككم ورحمة اللهـ
بدايةً ..
نحتاج في المحموص لـ.. بصل .. زيت .. رز .. وشسمة اللحم او الدجاج ويزبط مع السمك والربيان كذلكـ
اللي سوينـاهـ كان باللحم
بدأنـا بتقطيع البصل بقدر الامكان بحجم متساوي حتى يتحمص بوقت واحد
وعلى جنب تركنا اللحم يطبخ مع البهار حتى ما نخلص من حمص البصل إلا واللحم جاهز
نظل نحرك البصل باضافة الزيت بكمية زائدة عن الحماص العادي
نحـــــمصه بملعقة خشب بتحريك كل كمية البصل حتى لا يلزق بالـ"صفرية
ونحكـ البصل الي التصق بالصفرية حتى لا يمسك معاه كمية اكثر ويخرب الحماص والطعم
وبنلاحظ تغيير اللون إلى الاحمر
ودرجة الحرارة نتركها متوسطة
في المحموص البصل ما يكون فقط محمر .. نخليه "شوية محترق
واهم شي ننتبه حتى لا يكون لونه غامق اكثر و بعدها يكون الطعم مر
الصور توضح اختلاف درجة اللون
والشكل
واذا وصلنا لهالمرحلة يبدأ الشغل بالجدية شوية ونزيد تقليب البصل وملاحظة اذا كان الزيت كثير نقلله والعكس اذا قليل ممكن نضيف شي بسيط
وهذي المرحلة النهائيـة
>>>> بقول لكم عن سر :p
الدرجة المطلوبة والافضل اذا كان مثل الصورة الاخيرة
ونعرفهـا .. اذا بدأ البصل يدخن وراح تلاحظون انه يسبب حرقة في العين
هنا نعرف انه وصلنا للمرحلة المطلوبة والافضل
ونكون جهزنا ماي عادي او اذا تحبون بنفس ماي اللحم لكن بيطلع معاكم دسم
نضيف الماي على البصل المحمص
وراح تعتمد كمية الماي والبصل على لون المحموص
اذا كانت الكمية كثيرة المحموص بيطلع معانا لونه خفيف
والعكس كلما اتزنت كمية الماء مع البصل كان اللون غامق اكثر >> للحين ما اعرف اوزن هذي النقطة :S
وبعد اضافة الماء للبصل .. نضيف معاهم الرز واللحم "اذا نضج"ونراعي هنا كمية الماء للرز هل يكون نثري او متوسط او لين كلن برغبته
عادة لكل كوب رز كوب ونص ماء
وبسم الله .. هذي الصورة النهائية للمحموص
سويناه نثري لرغبة الشباب
واللون مثل ما شايفين يعتبر فاتح مقارنة بالمرة السابقة
المحـــــمووووص .. اهداء لأم جعفـر ؛؛
العرض الشجري