[قوافي الأيثار]

للجواد ابعث تحيه = تاسع العتره الإبيه
ولظنعش معصوم غالي = افتخر اني موالي
للجواد ابعث تحيه=
--------------
تاسع انوار الإمامه وقبلة الحق والرشاد
وارث اعلوم النبوه وبيه واجب الاعتقاد =
وهو للنهج المقدس منه خط الامتداد=
اسمه اسم الهادي طه باب رحمه عله العباد=
بمولده الليله ابتهجنه وعمت الفرحه البلاد =
بصوت واحد فالننادي يامحمدنه الجواد =
يا منار الكاظميه = تاسع العتره الإبيه
لصاحب النهج الرسالي = افتخر اني موالي
للجواد ابعث تحيه=
--------------
الكاظميه الليله ضوت والنجف ويكربلاء=
وانرسم طيف السعاده في قباب الاولياء=
وارتجز بوح المشاعر بكل تعابير الثناء =
الناس فرحانه وتهني وبصميم الانتماء=
تدعي للباري بمقامه يرفع الهم والبلاء =
هذا ابن خير البريه ونور من خير النساء=
ذا إمام الجعفريه = تاسع العتره الإبيه
وبسكوني وانفعالي = افتخر اني موالي
للجواد ابعث تحيه=
--------------
بالجواد الفرحه تحله وذكره بلسم للجراح =
نوره من غرة محمد شع ضواه وبينه لاح =
وعطره يغمرنه باريجه من عوالي الجنه فاح=
بحبه حصنت اعتقادي وحبه حي عله الفلاح=
الليله من احلى الليالي جود والطاف وسماح=
فرحه ونزف التهاني للنبي خير البطاح =
لاح بدر الهالشميه = تاسع العتره الإبيه
ليله من احلا الليالي = وافتخر إني موالي
للجواد ابعث تحيه=
--------------
حرت مولاي اشأوصفك وانته للعالم منار =
يا شمس اهل الكرامه ويا سبيل الاقتدار =
نقسم بعزة مقامك يا سليل الافتخار =
الكم الباري جعلنه شيعه وتصّدر قرار=
يا جواد اليمه بيكم كل عقل حر استنار=
هاي بغداد بضريحك تفتخر صارت مزار =
يا جواد الطالبيه = تاسع العتره الإبيه
اهتف ولا لن ابالي = افتخر أني موالي
للجواد ابعث تحيه=
-------------------
ونسألكم الدعاء
عمار جبار خضير