للامانة مش انا اللى عملتها دى ماما لان انا اصلا مبحبهاش بس ناس كتير تحبها خصوصا فى مصر
نبدا
نجيب كيلو كوارع متقطعة طبعا قطع مناسبة
بصلة كبيرة
كرفس وجزر وورق لاورا
خبز محمص ومقطع مربعات ويفضل ان يحمص فى زبد عشان طعمة يبقى لذيذ
ملعقتين كبيرة زبد
ملعقة صغيرة ثوم مفروم
ملعقة كبيرة خل ابيض
حوالى نصف كيلو عصير طماطم
ملح وفلفل
نغسل الحوارع بالماء والدقيق والخل
بعد كدة نجيب اناء بة ماء بيغلى ونضع فية الكوارع عشر دقايق
وبعد كدة ننشلها من الماء دة ونرمية
بعد كدة نجيب اناء اخر مملوء بالماء وييكون اناء كبير ونخلى الماء بة لحد الغليان
بعد كدة بنحط معاة الكوارع وكل ما يظهر ريم نشيلة
بعد ما نلاقى الريم بقى قليل خالص
نضيف الجزر والكرفس والكرات والبصل وورق الاورا والحبهان والفلفل وناجل وضع الملح لحد ما تنضج وللعلم هيا بتاخد وقت فى نضجها
وفى الفترة دى نكون عملنا ارز بطريقتنا المعتادة
بعد كدة يسخن الزبد فى مقلاة ونوضع علية الثوم المفروم لحد ما يصبح ذهبى وبعد كدة ننزل علية ملعقة الخل ونقلب علطول وبعدين نحط عصير الطماطم ونسيبها تتسبك
بعد كدة انشل الكوارع من الشوربة بعد نضجها واحطها فى صينية وادهنها صلصة خفيفة اوى وادخلها الفرن تاخد لون بس
وبعدين بطلعها
بعد كدة
بنجيب طبق التقديم ونحط فى الخبز المحمص وعلية شوية من الشوربة بس مش كتير علشان ميبقاش طرى اوى
وفوقة نحط الارز وفوقة نرش رشة من الصلصة ونحتفظ بباقى الصلصة فى طبق منفضل علشان اللى عاوز يضيف وقت تناول الطعام
وبعد كدة بحط فوقها قطع الكوارع
طريقة عمل فتة الكوارع
العرض الشجري