[ام الدنيا]

بصوا يا جماعة الاكلة دى كل بيت ولية طريقة فيها
مثلا فى ناس متحبش تعملها باللحم المفروم وناس العكس
ناس متحبش تحط بطاطس وناس العكس
انا عملهالكوا بطريقتى وبشهادة الكل رائعة
المقادير نصف كيلو بطاطس مقطعة اصابع ومقلية فى الزيت
نصف كيلو بازنجان رومى اللى هو المدور الكبير دة نقشرة ونقطعة دوائر سميكة نوعا ما ونغسلة ونقلية بردة فى زيت
نصف كيلو فلفل رومى اللى هو المدور ويكون حجمة صغير نشيل عنقة ونضف قلبة ونغسلة ونقلية فى زيت لحد ما يصبح لونة ذهبى
كدة هنبقى حضرنا المقليات وسيبناها على ورق ماص
كيلو عصير طماطم متصفية
ملعقة كبيرة ثوم مفروم
وزيت
ملح وفلفل اسود
حوالى ثلاث طماطم مقطعة شرائح مدورة ومتبلة بالملح والفلفل
نصف كيلو لحم مفروم
الطريقة
نحط زيت فى اناء وعلية ملعقة الثوم المفروم واول ما لونها يبدا يعير ننزل عليها ربع فنجال خل ابيض ونقلب
بعد كدة ننزل علطول بعصير الطماطم لحد ما يتسبك
ونحط علية ملح وفلفل اسود وننزل علية باللحم المفروم ونسيبة شوية كدة لحد لما اللحم يبدا فى السواء
بعد كدة بنجيب الصينية ونرصها كالاتى
اولا البطاطس
ثانيا البازنجان وفى ملحوظة قبل قلى البازنجان يقطع حلقات
ثالثا الفلفل
رابعا عصير الطماطم المخلوط باللحم المفروم
خامسا شرائج الطماطم المتبلة اخر حاجة
بعد كدة بندخلها الفرن من تحت حوالى نصف ساعة وبعدين خمس دقايق فوق تحت الشواية
وبالف هنا وبتتاكل مع الخبز الاسمر والسلطة الخضراء