[نزار الفرج]

السلامُ على السيف الشاهر.. السلامُ على القمر الزاهر
والنور الباهر .. السلامُ على شمس الحق وبدر التمام
اللهم اقصم به جبابرة الكفر واقتل به الكافرين والمنافقين
يارب العالمين
كَـــومْ يــل القــائمْ يبن خير المَلــه
بعــده ماجَـــفْ سيــّدي دَمْ كَربلـَـه
**********
كَــوم يبن الحَسنْ وليمتــه الصّبُرْ
كَــوم ســادْ الكُفرْ من اهلِ الكُفرْ
راوي من عاداكُمْ انجوم ْالظّهــُرْ
ماكـــو غيرك يـاابن عَقـــدْ الوِلــــه
*******
يمته يبن الحسن يَلْ المُنقِذْ تِهلْ
تملي كُلّ الارضْ بالحقْ والعَدِلْ
انهَدْ شملنه كَوم لِمْ هذا الشّمــِلْ
المُشكــله! منهــو يحلّ المُشكلـه!
*******
كَــوم ادّب سيّــدي كُــل مـُفتري
يكـره ْالعِتـَـرة و يكفّر الجـعفـري
هدّمــوا مولاي كَـــبر العَسكـري
اجروحنه تدّي وبعدهه امحمّلـه
*****

كَوم يل هيبه او صحيّ هــالزّمنْ
الظُّلمْ طاغي والعيـــونْ انعِمَـــنْ!
والفِتــَنْ طَبّتـــنه من اهـلْ الفِتَــنْ
والبَلَــــه طبَّنـــّه من اهـــل البَلـَــه
*******
كَوم شبْعَتْ شيعتَكْ هَــمْ او ظُلمْ
سيّـدي والشّفــره وصلتْ للعَظُــمْ
انـْهِضِمنــه وشفنه اشكالْ الهَضُمْ
حـَــرْمَله الملعونْ بعـــده حَرْمَلــه
*****
يابو صالحْ كَوم بَسْ انتــه الأملْ
شعدنه غيركْ يا ابن خيرِ العَمــَلْ
العَـــجَلْ مولايْ مولايْ العَـــجَلْ
دِمْنَــه ابنْ اللاّتْ هَدره امحَلِلَّه
*******
كَــوم ياسيدي وانطيهمْ دَرسْ
يا أبي النَّفِسْ تفديكْ النـــَّفِسْ
شوكت تطلعْ عل الحراميّة الشَّمِسْ!!!
لطـَلعِتـَــكْ شيعـةْ علـــيْ متـــــأمّلـــه
*****
ابو مُحسَّد النجفي