[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


يلمهدي نعاهد ( في ذكرى إستشهاد الأمام الهادي عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
إلَك مولاي === يلمهدي نعاهد
نصير إجنود === وإبجيشك يقايد
نزور الهادي مولانه === عَلَمْنَــــه الخير عنوانه
يلمهدي نعاهد === يلمهدي نعاهد
ــــــــــــــــــــــــــــــــــــــــــــــــــ ــــــــــــ
نِتْرجّاك يلمهدي تجينـــــــــه == ضاع الدين والحق ياولينه
نريد إنشوف أنوارك علينه == تهل وإتزيل أرباب الضغينه
نشوف النور === والطلعه البهيّه
نسير إويــاك === ياإبن الزﭼيّــه
نواسي الزهره ولهانـه === عَلَمْنَه الخير عنوانـــه
يلمهدي نعاهد === يلمهدي نعاهد
ــــــــ
نعزّيك إبعلي جدّك يغايـــــــب == مُضه مهموم سمّوه النواصب
بسامره العزه إنقيمه إو نعاتب == نريد إنشوف أنوارك يغالــــب
نظـــــــــل نهـــــــواك === نِتْنطّـــــــر ظهـــورك
حلـــــــــو ﻣﻟﮔــــــــاك === نور إيفيض من نورك
تجينه إتزيح بلوانه === عَلَمْنَه الخير عنوانه
يلمهدي نعاهد === يلمهدي نعاهد
ـــــــ
بني العباس ظهروا من جُحرهم == شيطـــــــان إبحقد للشر يجُرهم
أعداء الهُدى إو واضح أمُرهم == هدموهـا القباب إو بان شرهم
هذوله أشرار === ماعدهُم ضماير
ركبهُم عـــار === هِدْموها المناير
يظل للهادي مَنْوانه === عَلَمْنَه الخير عنوانه
يلمهدي نعاهد === يلمهدي نعاهد
ـــــــ
هذا إبن الرضا الهادي ينادي == هِدْمَـــــوا ﮔبتي ذوله الأعادي
حقد بيهُم ظهر والزيف بادي == يلغايب أريدك نور شـــــــادي
تواجه زيف === أرباب الضلالـــه
يحز السيف === كُل شر والجهاله
مُحبّك يرتفع شانه === عَلَمْنَه الخير عنوانه
يلمهدي نعاهد === يلمهدي نعاهد
ـــــــــــ
غريب الدار هاديكُم يمهدي == لاح النور للخيــــرات يهـدي
بالغُربه ينادي صار لحـــدي == معلوم إنتشر بالكون مجدي
تشع أنــوار === من ﮔبته الزهيّه
تجي الزوّار === للحضره البهيّـه
علي موصوف بيمانه === عَلَمْنَه الخيــر عنوانـــــه
يلمهدي نعاهد === يلمهدي نعاهد
ــــــــ
إلَك مولاي حُبّي إو كُل حياتي == أظل أتْناك حد ساعة مماتي
عسى المولى يرد روحي الرُفاتي == من ﮔبري وأصيح الحين آتــي
تجيك الروح === ملهوفه إو حزينه
تُون وإتنوح === من أهل الضغينـه
تظل ويّاك فرحانه === عَلَمْنَه الخير عنوانه
يلمهدي نعاهد === يلمهدي نعاهد
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=58deef9c52