[سفينة البحار]

عيون تغمضت لكن دمع بالعين ..واديهه على العيون بخجل حطتهه
تدري ام البنين اليوم راح تموت.. ومستحيه الزجيه لو تلكتهه
شكول وشعتذر من فاطمة الزهراء .. هاي الجلمه هيه هواي كالتهه
احس مقصره عن نصرتك يحسين .. واحس ثكل الامانه البيدي خلتهه
تمنيت آنه عندي من الاولاد آلاف .. جا روحي الك بيديهه ودتهه
وتمنيت آنه بالطف جا متت وياك .. لا كبلك تموت الروح رادتهه
انه الماقدمت لحسين يوم الكون .. بس اربع بدور بذيج حملتهه
ولدي الاربعة عندي العنب وحسين .. سلة وبالمثل معروفه كالتهه
ما رادت عنب روحي التهم بحسين .. بس رادت الروح تعود سلتهه
سلوه انته جنت للروح يا مولاي .. وعكبك بس دموع الروح سلوتهه
او وكعت دمعه منهه من الجفن للكاع .. جمره الدمعة للوجنات حركتهه
واجاهه الصوت ابشري ومسحي دمع العين .. صوت الزهرة هذا وهيه نادتهه
للجنه ابد لا انتي ماترحين .. بيديهه الجنان الزهرة جابتهه