[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

جيت أزور أم البنين
ــــــــــــــــــــــــــــــــــــــــــــــ
جيت أزور أم البنيـــــن === وإﺑﮔلب دامي إو حزين
ما شفت بس التُراب === يروي آهات المُصــــاب
وإﺑﮔلب دامي إو حزين
ــــــــــــــــــــــــــــــــــــــــــ
جيت أزور أم البنين إبلهفتـــي == وأعرف الطيبه تردني إبحاجتي
فوﮒ تُربتها أهلها دمعتــــي == وأطلب إشمحتاج وأعلن طلبتي
بس رضا الرحمن ﻳﺑﮔﻪ غايتي == والزيــــاره للوسيلــــه مُنيتـــــــي
سور ﻟﻟﮔاصد يزور === زاهره أم البدور
إﮔصــد إلها وإبحنيــــن === وإﺑﮔلب دامي إو حزين
ــــــــ
رايد إمرادي أناله بالبقيـــــــــع == وأرجع إبفرحه إو يهل بيّه الربيع
مو نخيت الطاهره السور المنيع == خيــــر باب النور مفتوح إو وسيع
خل يشوفوني النواصب كُل وضيع == ما أخـــــاف إو يشهد عليّـــه السميع
أنطي دمّي إمن الوريد === غير حبهـــم ما أريــــد
ولمصايبهـــم طعيــــن === وإﺑﮔلب دامي إو حزين
ـــــــ
هاي أم الأربعه البيهم عـــَـزِم == من علي والموت منهم ينْهِزِم
بالحرايب نار عالباطل تِعِم == والوفه عدهم أمر ما ينْثِلِم
والوفي العباس ﺻﮔار الزِلــــــِم == لو يصول الشوف عدهم ينْعِدِم
ما يشوفون الطريق === سيف أبو فاضل حريق
سيف يفني كُل لعين === وإﺑﮔلب دامي إو حزين
ــــــــ
أوفت الكرار هاي أم الوفــــه == حُب ولد أم الحسن عدها صُفه
حبهم المنجى تراها تُعرفه == وإمتلــــــت روح الوفيّه عاطفه
وصّت العباس ينذر مَرْهفَه == للحبيب إحسين إبن المصطفه
وصّته إعلى أم العفاف === إخته زينب ما يعــاف
يكفل الحرّه الأميــــــن === وإﺑﮔلب دامي إو حزين
ــــــــ
رادتْ العبّاس يحضرها الكفيل == ما يعوفه للنعش هُوّ اليشيل
باللحد يدخلها وإترابه يهيــــل == يذكر أيّام الرِبَه إو دمعه يسيل
يدعو إلها الباري مولانه الجليل == رحمته إتحل يوم محشرها الثجيل
يوم محشرها تشوف === فاطمه إعليها تطـــوف
حامله اﻟﭽــف المكين === وإﺑﮔلب دامي إو حزين
ـــــ
رادتْ الأولاد يجــــرون الدمـــــوع == فوﮒ تُربتها إو يشعلون الشموع
بالبقيع إيصير مأتم للجمــوع == تنشر الأحباب أسود بالربوع
كُلها تصلّي إو تبتهل إلها خشوع == تطلـــب الحاجـــات وإبلهفه تلوع
نطلب الحاجه إو نصيح === بالسبط ذاك الذبيـــــح
نسأﻟـــــﭻ يَم البنيـــــن === وإﺑﮔلب دامي إو حزين
ــــــــــــــــــــــــــــــــــــــــــــــــــ ــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldk0o04148.mp3.html