[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يابيــــــــــــــــــــــت فاطـــــــــــــــــــــم
ــــــــــــــــــــــــــــــــــــــــــــــــــ ــــــــــــــــــــــــــــــــــــــ

يابيت فاطم ما جَرَه يوم الضلع === حسرات زينب من ألمها تنْسمع
ـــــــ
حسرات زينب صعدت العالي السِمَه == يــــوم الذي عصروا صدرها فاطمه
شافت أبوها المُرتضه حامي الحِمَه == ما شال سيفه صابر إبذاك الوضع
ــــ
ما شال سيفه المُرتضه إو هز الوجود == خايف على الأسلام من جهل الحقود
بس الظلم فار إو تَعَدّاها الحدود == من دفعة الباب الهدايه تنصدع
ـــــ
من دفعة الباب الصدر منها إنْعصَر == وإنهــــدّت الأكوان والصوت إنْتشر
صوت الضلع يبچــي إو يون من إنكسر == وإينـــــــادي كسروني إبحقد ما ينشلع
ــــــ
وإينادي كسروني إبحقد ما ينتهـي == من يوم بيعة حيدره الوالي البهي
لكن علي زوده إرتفع يزهي زهـــي == ما همّه جور الناصبه إو نوره يشع
ــــــــ
ما همّه جور الناصبه حيدر علي == شـــــاف الأمَرْ بيت الرساله ينولي
هذا الألم طول الدهر ما ينجلي == صوّب دليل المُصطفه إو ما يندفع
ـــــ
صوّب دليل المُصطفه هذا الأنين == حــد السمه يوصل نياح أم الحسين
وإشلون حيدر ما رُفع سيفه المكين == من شــــــــــاف أذناب إبجهلها تجتمع
ـــــــ
من شاف أذناب إبجهلها رُفضته == هــاي النفوس المن حسدها كرهته
لكن علي حق الرعيّه غايته == والخيــر بالشر للأبد ما ينجمع
ــــــــ
والخير بالشر للأبد ما يلتقـــي == والحق يظل عند الصميده يرتقي
والمايحب حيدر علي جاهل شقي == وإبغيـــــــر حب المُرتضه ما نِنْتفع

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=ce358bc62e