[آمال يوسف]

بسمه تعالى
اللهم صل على محمد وال محمد
جرب اكَصد حيدر وهمك بديــــك ـــــــ وبالصحن حل الهموم الغثتــك
موبعيده اتشوف جفه ايمده ليك ـــــــ ومن وره الشباج يمسح دمتــك
ومن تحط روحك على أبواب الأمير ـــــــ إتحسه جن أمك عليك وحظنتــك
وتنشغل عن الهوى بذاك المقـام ـــــــ وتهجس الدنيا انت كلهابخدمتك
ياإمام الكون يابو المسلميـن ـــــــ شلون ماأسجد وقبل عتبتـــك
وآنا أدري بنورك أصله من الأله ـــ وقبلة الأسلام هيه الجابتـــك
حيدر الكرار انت الدين اديك ـــــــ ووجهك القرآن والحق قامتــك
وانت ذو الفقار اسمه تسمه بيك ـــــ وأخذ من كل الصفات مروتــك
والشجاعه البيه جانت من عـلاك ــــــ والسداده البيه جانت صحوتك
والصلابه البيه جانت من قـواك ــــــ وانحراف البيه جان القوتــك
وانقسامه اثنين بيه أروع دليل ــــــ عن وجودك بالقيامه ووكَفتـك
لأن جنه ونار بالحق تنتخيـــك ــــــ تقسم الأمه وتطلع شيعتــــك
ومنهو كَبلك نطق بحفه الوجـود ـــــــ ساعة البيها ابن ود يم ركبتك
لافتى الا علي اتصيح السمـــاء ـــــــ ولاكو ذو الفقار بس إبيمنتك
ومن كثر اعدائك الله انتقــاك ـــــــ ووكسه لو كَالو صلاتك فاتتـك
رجعت قرص الشمس لجل الصـــلاه ـــــــ ووكَفيت الزمن ساعه دعوتــك
وانت يامولاي بعجازك عجيــب ـــــــ العجبه والأعجاز عرفن قدرتك
مغالب ونفسك كَبل ايدك تريد ــــــــ تنطي للمعتاز طيبة خبزتــك
ونته عن نفسك كَلت ونته الحجيت ــــــ كل نفس جدام نفسك هابتـــك
حتى جان الموت خايف من اجـاك ــــــــ ودخل يم الله وتنخـه بسجدتــك

الحمد لله الذي هدانا لهذا وماكنا لنهتدي لولا ان هدانا الله

تلميذ علي

م\ن