[ابو ياسر الكعبي]

کل هالشدد والنوايب * الله اليعينک يحيدر

گلبك عله گلبي ذايب *شاهَدِت ضلعي التِکسَّر

ياحيدر إمْن العاداک الباري ياخِذ ثارک

***

ياعلي الکرار ياوارث اللّوح .. ماصُبَر مثلک بالشدَّه .. آدم ولانــوح

جرحک سَفينه وگلبک بَحر نَوح.. شاهَد دموعي ياحيدر ..تتـفَـتَّح جروح

يـاأَخو المُختار يَمْشَيِّداصروح .. إنتَه کياني وجروحَک .. لجروحي اتنوح

لَتْلومه دمعي من يجري مَسفوح.. أَنحَب وَنوحَن عالهادي.. من لَهفَـة الروح

آنـه وشِجونـي وعَذابـي *والگلب حَسره إيْتِفَـطَّر

صُـبْح اومِسه في مُصابـي* دمعي عالهادي إيْتِفَجـَّر

وانه أَدري ما بين إحْشاک ماتطفه جمرة نـارک

ياحـيدر إمْن العاداک والباري ياخِذ ثارک

***

بعيوني صبرين وبگلبي جرحين ..کل جرح من صبر جروحي ..يحمل طبرتين

من بيت الاحزان وأَرکان إلـِوْنين.. سيف المدامع بخدوي ..يحـفُر نِياشين
دايم ونـينـي عالهادي کل حين ..مابُطَل نوحي اولا وَنّي ..ولاتنشف العين

إبْصَبري الصبر ذاب بـِمْنازَع البين.. آنه الصَبوره المظلومه ..آنه أُم الحْسين

آنه الشمس والکـواکب *بالسمه من عالم الذَر

إنْصَبَت عليَّه المُصـايب *صَـب البَراکيـنِ تِـسعَر

أَتْجـاسم الهَم ويّاک گلبي شريک أَسرارک

ياحيدر إمـْن العاداک والبـاري يـاخـذ ثـارک

***

والدي المُختار أَصحابه خانوه ..عقدوله بيعه إيْنصرونه.. وبظهـره طـعنوه

بيت النـِبـوَّه عِدوانه حِرگوه ..ماحِفظو اوْصِية الهادي.. وِحْجـابه داسوه

لِذْت إبْوَره الباب وِعْليَه دِفْعوه.. هجموا عليَه ياحيدر.. والصدري رَضّوه

سطروني عالعين والضلع کِسروه ..محسن وگع فوگ العِتبَه ..بدمومه خَضْبوه

يابـالحسن رَوَّعونـي *أَنتِهض للگومه مَگْدَر

تِربي إعله دربک عُيوني* الجَـيِتَک گلبي أَيتـنَطَّر

تِستِقرروحي إبْمَلگاک وتْـأَمِّـن بأَسوارک

يـاحـيدر إمْن الـعاداک الباري يـاخذ ثارک

***

الخالق اختـارک ياعلي الکـرار ..ونطاک من سابق عِلمه.. مَکنون الأَسرار

والباري خـاواک بالنبي المُختـار.. وبچف مُحَمَّد وبچفَّک ..أَکوانه تـندار

إلهادي وصّاک ياحامي الجـار.. إنتَه تحفُظ دين الخالق.. من کيد الاشرار

لوشفـته بيتـي يحترگ بالنار.. وينهشم صدرأُم المحسن ..أُغْـمِد الـفقّـار

يالصولتـک حـيدريَـه* ليث الحرايب يَـقَسْـوَر

يافـارس الله اونـبـيَّـه *صبري ابصبرک تِِصَـبَّر

بَحْر الشجاعه إبْيَمناک ماينگـحُم تَـيّارَک

ياحـيدر إمْن العاداک والبـاري ياخذ ثارک

***

يامَن إفْـراگـک الگلبي يِصَدْعه ..ويِعِز عليَّه ياحيدر.. شخصك أَوَدْعه

صدري ألتَـهَشَّم مِنْکِسرضِلـعَه.. لوشفته ينزف آلامه ..الگلبک يِصَدْعه

إبْنص ليل الآلام نـعشي تِطَلْعه.. ياحيدروعالظلموني.. گبـري تِـضَيْعَه

إقـرَه إعله گبري إبْليلَـة الجُمعه.. آيات من ذِکْرالباري ..وصوتَک أَسمعه

إتْغَسِّـلْني دَمْعَة عُيونک* گلبک عَلـيَّه إيْتَـنَـثَّر

حزنک ولوعَة شجونک *ياعلي من بعدي تِکْثَر

تتوادع الـروح اويـاک بس هالمِسَه خطّارَک

ياحـيدر إمْن العاداک والبـاري ياخذ ثارک

***

يسمَعْهـا حـيدر ودموعه تجري.. يگلِْها اوحَياتچ يالزهره ..ماردته عمري

حَـيَّرچ دهرچ وحَيَرَني دهري.. إنتي ابکسِرضِلْعچ وانه.. چَتَّـفني صبري

گَومي اوخُصومي ابحملاتي تدري.. تِتْزَلـْزَل الگاع إبْعَزمي ..وأَمرالله أَمـري

إتْـفُر الضياغم من يمُرذکري ..لاچن رسول الله اوصِيتَه ..سيف إعله نَحري

إيْگِلها يازهزة اسنيني *تدريني عالفَرگه مَگْدَر

اتْگِلَه ياجمـرة حَنيني *إبْـوَنِّـتي الصَخْرإيتِفَسَّر

يامَن مُحَمَّد وَصّاك لا لا تـِسِل بَـتّارک

ياحـيدر إمْنـالعاداک والبـاري ياخذ ثارک

***

ابویاسر الکعبي