حية سيد دخيل
------
حية سيد دخيل المشهورة هذه لم يتوصل الطب الى مصل
يكافح سمها لحد الآن
وقد استقيت هذه الفكرة من قوة سم هذه الحية اللعينة التي فتكت
بأهالي المنطقة
------
عدنه ارباب السياسة تديرالها العجب
طلعت من الكاع سم براسها
جتنه كومه ذياب ومجثره العويل
ناس ما شايف قبل اجناسها
قسم منها محزم يفرهد يريد
وقسم يمه تنتظر بيد مبردها تحد بفاسها
القسم الاخر ملتهي منصب يريد
مو مهم عدها الطهر وادناسها
وناس مدفوعه من ابن ملجم اجت
تريد راس حسين وي عباسها
هاي من حامي الحرم تاخذ معاش
وباعت الغيرة وطخت راسها
خاف تتوهم اسولف بالحقد
والنفس ما تخلى من وسواسها
لالا والله مو هذا القصد
القصد هيه شربت من كاسها
ارد عددلك وصير انته الحكم
وقوة التفكة تجي بترباسها
الدايني محمد فتح مقصب زلم
يمده الضاري ومظهر راسها
وشفتوا عدنان يتظلم بالدول
يكول ذبحونه اهل عباسها
والجنابي ناصر بفلوجته
الطائفية بيده دق اجراسها
يذبح العمال هيج بلا ذنب
لان اسمه حسين يقطع راسها
والكواتم قادها طارق لكوه
فرقة شكلها ودرس ناسها
واحنه عدنه ازلام اشباه الزلم
تدور الخمله وتسقط بناسها
اول الانذال اخذ بيها امتياز
ابن علاوي عميل ارجاسها
ويا صباح الساعدي شمالك شجاك
مو ابوك واخوتك نوماسها
بالجهاد تفننوا فن القتال
والعقل مرفوعه محد جاسها
ليش خنت بساع بالمال اشتروك
بضاعتك بارت وشاع افلاسها
يا بها الاعرجي موجدك شهيد
وخطك النوماس رافع راسها
خط ابو مأمل دليل اعلى الجهاد
دنك لكاع العراق وباسها
اصحوا صيروا اخوان خل يطلع نهار
وخل يجي ابن العسكري يخوض اوطاسها
ننتظر جيته واله نبدي الحنين
نريد ثارات الضلع من ناسها
نريد ثارات الضلع من ناسها
------
ابو تركي البدري
22-2-2012
حية سيد دخيل -- لرجال السياسه
العرض الشجري