[ابو ظاهر البركي !]

[قصيدة كتبت في موكب غريب طوس النجف الاشرف


موكبنه باسم الرضا ... مخطوط عالعارضه
اليصل لينه رضه ...كلحنه بيه خدام
الكل تنادي هله ... للرايح الكربله
خدام احنه اله ... ومتحزمين حزام
يوميه من ننجمع ... نرش الدرب بالدمع
والدمع ماينكطع ...من عين ابد متنام
سهرانه حد الصبح ... محطوط بيها ملح
والخدمه النه ربح ... ومعلكيها وسام
للزاير احنه خدم ... وللجاي شايل علم
ارواحنه عللدرب ...وتدوسها الاقدام
واحدنه ينطي الماي...والاخر يصب الجاي
نتنافس علليجي ...اخرنه بالكدام
نبجي علبن فاطمة ...ذاك الي مات بضمه
واحد يدك عالصدر ...والاخر عللهام
نلطم نصيح الثار ...وينك يحامي الجار
حسينه عللثره ...وانضربو الايتام
وعباس عالمشرعه...وجفوفه مكطعه
وحسين صدره انكسر ...واحتركت الاخيام
وين الحمه الكنطره...ميشوف كل الجره
والحادي صوته صرخ...زينب مشت للشام
ولن صوتها العائله ...وين ابن عقد الوله
معقوله نايم تظل ...واختك صدك تنضام
ولن صوت زينب دوه ...غير مجال الهوه
وين الي شال اللوه...ضربوني يالضرغام
وين الرفع رايته ... وتحزم بغيرته
وين ابن حيدر علي ...الكسر الاصنام
لن صوت من الراس ...فوك الرمح عباس
بالعده صاح ورعد ...واصبحت كلها اقزام



خادم اهل البيت
ابو ظاهر البركي