عظم ألله إجوركم بإستشهاد الأمام الحسن المجتبى
قصيدة بهذه المناسبةالأليمة
المستهل قديم
زينب والحسين ...... ومن هاشم كمر
تتوادع بهاي المسيه......ويبن الزجيه
×××××××
زينب تودع ياعلي شبل الهواشم
هل الليله مخسوف الكمر بانت علايم
هالليله ضيف من السمة عل البيت حاييم
منهو إيتلكاه ..... مشبوحه عيناه
جبريل وأملاك ألسمه والفاطمية .... بهاي المسيه
××××××××××
ياعلي لو شفت الجبد بالطشت من طاح
وحسين يلطم عل الوجه يا زينب وصاح
ياخويه هاليوم الضلع ويه الجبد ساح
والعيله إتنوح ..... والحسن مطروح
موذر كدامه الجبد بسم المنيه ..... بهاي المسيه
××××××××
زينب إجت يم الحسن تنشف دمعته
وجسام ناداه الحسن وبيه وصه إخته
بكربله عرسه وزفته ومن دمه حنته
تلبسه وتشمه ...... وتشجعه أمه
يوليدي ما أريدك ترد أبدا إليه ...... بهاي المسيه
×××××××
عباس شافه والدمع عل الوجن سجاب
من شافه كدامه الجبد إتذكر الباب
وباجر يمر نعش الحسن بسهام ينصاب
وكل لخيه ...... عندي وصيه
وصاه بحسين الحسن بالغاضريه ..... بهاي المسيه
××××××××
يا علي ومضيفه بقه أظلم بلياه
من يخدم إضيوف الحسن لو غفت عيناه
وبعده الكرم صابه اليتم وندفن وياه
ومضيفه من صاح....... راعي الكرم راح
ونيت آنه بونته وصفك بديه ..... بهاي المسيه
×××××××
وباجر يمر نعش الحسن يرموه بسهام
وتنادي عيشه آم الفتن عثمان يتضام
وبعدوه عن جده الحسن زادت الآلام
بعدوه عنه ...... وبكلبه ونه
من نعثل وعيشه وعمر من آل إميه ..... بهاي المسيه
قاسم طاهر القاسمي
(ابوتكتم الخير) 5/صفر/1433هـ
العرض الشجري