[عدنان منعم]

ياخويه – ردينه لديار الظلم
ياخويه – راونه اشكال الالم
....................................
انه زينب كاصده الطـــــــــف كربله
ضيم اسري يابشــــــــــــــــر يتحمله
كوم يبــــــــــــن امي تـــــلكه العائله
ردينه .انهض ياراعي القافله\ ردينه. ننضرمصايب كربله\ياخويه
..................................
اه ياعبـــــــــــاس انـــــــظر حالتي
ماصفالي بكـــــــــــربله بس ونتـي
جروح فوك اجروح صارت حالتي
ضربونه.بعدك ياهيبة حيدره \ضربونه.وينك تشوف الليجره\ياخويه
...................................
شلون عيني تشوف مصرع اخوتي
بكربله انهـــــــــــــدت منابر عزتي
تغربت بجــــــــــــفاك تذبح غربتي
حنينه.وينك تشدلي محملي\حنينه.غيرك بعد ياهو اللي\ياخويه
....................................



تحملت لوعات وهــــــموم ومحن
لملم اهــــمومه وعليه جار الزمن
مومصايب صـــــارن اعليه مزن
ربطونه.بحبال وينك ياعلي \ربطونه.ويدرونه اولاد الولي\ياخويه
....................................
اتجرعت بالطف مصايب ماجرت
والاشد عالـــــــغبره اخواني عفت
وراس ابو السجاد عالي هم شفت
ذبحوني.عالراس راسك مرتفع\ ذبحوني.ياريت راسي المنكطع\ياخويه
.................................
عالـــــــكبردارن بناتـــــــج فاطمه
وصارت الطف يالوديعه الحاطمه
كربله كلش علـــــــــــــيهم ناقمه
يايمه.عينيني ماظل لي دمع\يايمه.كلبي علااخوتي منفجع\ياخويه



خادم الحسين \ عدنان منعم