للحسين بنيني من ذخرتهــــــــم بالطفوف ضحايه تظل جثثهـــم
يرد سالم إلي وعيوني تشوفه فدوه الأربع وعباس وجفوفه
للحسين بنيني من ذخرتهم
****************
آني الي إرضعتهم حب الحسين
وناغيهم باسمه وتدمع العيــــــن
وكلهم هذا أخوكم من تكبــــرون
عند أجدامه بنفسكم تضحــــون
تموتون ..ييمه دونه كلكم توفون ...للزهره وآنه إمكم
راوني رباي اليوم ملهوفه فدوه الأربعه وعباس وجفوفه
*************
ييمه اليوم راوني فعلكـــــــــم
وأريده بكربله إرباي منكــــم
خلي هل الأرض يرويها دمكم
ودون حسين تتكطع ركبكــــم
أنه رباي ...أريده بطف الحسين ينادون ...ييمه وكري العين
وعباس اليصيح حسين ماأعوفه فدوه الأربعه وعباس جفوفه
**************
أصيح بصوت ذوله أولادي ذوله
ضنوة حيدره ودرة الخولــــــــــه
موش الموت إجه همه مشولــــه
وكلشي بكربله لحسين فدولــــه
ينادون ...فداك حسين هل اليوم من النحور..نروي الكاع بدموم
ونخليه تسولف بينه الكوفه فدوه الأربعه وعباس وجفوفه
************
أصيح بصوت جازوني ييمــــه
ييمه بكربله يم أبو اليمـــــــــــه
يرد سالم إلي وبنحره أشمــــــه
وسر برجعته فاطمه أمــــــــــه
علامات ..الصدر منه يرضون وهيهات ... ييمه ما ترجعون
على الدرب أنتظر والدمعه مذروفه فدوه الأربعه وعباس وجفوفه
***********
آنه إم البنين وإبني عبـــــــاس
وأدري بيه إبني يرفع الراس
حكي لو صحت يحسين ياناس
من ظلم الدهرأو ظلم الأرجاس
ييمه ...أصيح بدمعة العين أنه وياك ...أموتن يبني يحسين
وبس إسمك لساني يلفظ حروفه فدوه الأربعه وعباس وجفوفه
*************
ييمه شلون بيهن من يرجعـــن
خواتك من يشوفني وينحبــــــن
وصاحت زينب إتلكنه كلجـــن
هاي أم البنين الماعرفتــــــــن
يزينب ...أخوج حسين وينه بالطفوف ...عفت جثته رهينه
جثته إعله الثره وللشمس مكشوفه فدوه الأربع وعباس وجفوفه
نسألكم الدعاء
ابوتكتم الخير:وفاء إم البنين
العرض الشجري