أحا ياليلة العاشر ....ليلة وداع العقيله
تودع أبطال الهواشم....ألله أكبر شلون ليله
والحرم تلتم عليه....هالحمل منهو اليشيله
ليله بيها الكمر ساطع
هيجت بيها المواجع
وباجر إلها الحزن راجع ....تمشي والخطوة ثجيله
ياصبح هاليل....ريتك متطلع
ويصير ليلك سرمد ....والصبح عنك يبعد
هاليله بلطف
************
عونه يم الحزن كلبج....بالصبر الله اليعينه
لبوا ليمه حسين رايح ...بالدموع إتوديعينه
خويه لورحت عنه....منالعده منهو يحمينه
تلكاج سالت دمعته
تعزي يخويه جلمته
ربج إختار وخيرته ....القتل كاتب علينه
بالركبه مخطوط ......خط القلادة
الموت حق مننكره...موعبره هاي وفكره
هاليله بالطف
***************
من أبواليمه حسين طلعت ....لعباس أخوها بخيمته
يصلي بالمحراب كاعد .... وللدعه شايل يمنته
الأطفا ل بحجره نومه .... خويه ابو فاضل نادته
ضيعتنه ضيعه يالكمر
لو طحت باجر عالنهر
إتكسر من حسين الظهر ....وتبتدي بجتلك غربته
عل النهر مطروح .... باجرأشوفك
وجفوفك إمكطعيه.....والهامه إمطبريه
هالليله بلطف
**************
ألله من راحت للأكبر ....للنبي راحت تودعه
نادته إهنا يجدي .... .عمته رادت تشجعه
وشبكته وشمته بنحره ...كلب زينب هذا طبعه
من علي مقبوضت نفس
راحت دمعه منحبس
باركت لجسام العرس....وعلكت بدموع شمعه
مبارك يعريس ....عرس الشهاده
برماح باجر زفتك ....وبالنبل عجنو حنتك
هاليله بلطف
***********
وبعد تتفكد إخيمها ....لنه يم خيمت وليه
تكله خويه عرفت ربعك..يكله كل الزود بيه
فرسان بيد إمجربه ...إنت وانه العارفيه
تستانس بيوم الحرب
مثل الطفل لمه يحلب
صدر أمه وجذبه جذب..أعتمد خويه عليه
وداعك يبن عقد الوله
وي زينب بطف كربله
وصيتي يكله العايله
سكينه وعليلي والحرم
لمن يحركون الخيم
وعل المشرعه يطيح العلم
يازينب إنت الكافله
ابوتكتم الخير :قصيدة وداع العقيلة
العرض الشجري