[رحيم الحسناوي]

البرنامج الكامل لليوم الثامن من محرم للرواديد 2012


ثكيل



جسم منّك توذر واعتنه الغبره.....يبن حامي الدخيل وشمعة الزهره
اون وابجي ودليلي الينحب وياي...يامولاي ـــ يامن عزو عليكم كَطرة الماي ـــ يامولاي
مصابك بالكلب جمره
ــــــــــــــــــــ
ابوك العينه يمك ينهدم حيله...يوجي الدنيه وتردله وتوجيله
لمن شاف ابن ابن هند الهوت خيله...وعلى ضلوعك نزل راعي الغدر حيله
دارت عليك الدنيه وتطبر الهام...يامولاي ـــ جتلتك فرحت كل زمرة الشام ـــ يامولاي
مصابك بالكلب جمره






هوت زينب يبنهه وايست جنهه...ترد ضنّت ولكن خيبت ضنهه
ترد كوم النفاق بهالغرب عنهه.....وتكفكف يالولي الدمعه وتكف ونهه
سليبه بطيحتك دمعات العيون...يامولاي ـــ ولا حملت مصابك هاي الضنون ـــ يامولاي
مصابك بالكلب جمره






يبن حيدر يتاج الغانمه العالي...فلا جانت وكعتك يالضنه ابالي
اريدك ترحم بهاي الشدد حالي...ينور عيوني وانته المهجه والغالي
تبضع جسمك من يلم الاوصال...يامولاي ـــ وحيده بكربلا ومن يرحم الحال ـــ يامولاي
مصابك بالكلب جمره






كلف همكم وانه بنص الجمر روحي...يتيمه وحايره ومن ينضر جروحي
يهد روج الدمه وخيل العده سفوحي...منو اليسمع ونيني وصيحتي ونوحي
بكت زينب تونلك يبن الاطهار...يامولاي ـــ غدت وحشه بغيابك تنحب الدار...يامولاي
مصابك بالكلب جمره








اخوي الضل وحيد وتنتحب داره...غدت فوك الوطيه مطبره انصاره
علي الاكبر على الغبره وتوج ناره...قبل كلب الغريب من الوفه اعذاره
بكت تبجي العطاشى بحرة كلوب...يامولاي ـــ بعيده وعن هلي شكد كلفه الدروب ـــ يامولاي
مصابك بالكلب جمره








يبوفاضل نخيتك واختك بحيره...اريدك تلحك اهلك ياابو الغيره
طفل ميت عطش وزنودك تجيره...يحامي العايله وساجيهه بالديره
بكيت بنص كفر ماترحم حسين...يامولاي ـــ تطالب ثار اميه وتطلب الدين...يامولاي
مصابك بالكلب جمره





لطميه ثكيل

صفه الميدان للاكبر...نزل زلزال من كبّر...فنه الصوبين...فنه الصوبين
خيول وكَوم تتعثّر...غدت ابطال تتعذّر...تروح لوين...تروح لوين
ــــــــــــــــــــــــــــــــــــــــــــــــــ ــــــــــــــــــ


طب سل فحيح النار..سيل وعليهم ثار..وحسين ابوه يشوف
يندب يبو الاحرار..بت حيدر الكرار..ما يدنه منهه الخوف
من زمرة الفجار..تسلم امينه الدار..ابنك انه ومعروف
ما همني هذه الصار..يشهدلي حامي الجار..لو تعترضني سيوف
نحور الكوم ادريهه..تريد السيف يجريهه..وانه ابن حسين
جيوش يزيد انهيهه..حمم وسيول اسكيهه..وارد الدين..فنه الصوبين



دكَ جقّة الميزان...طب للشدد سفّان...هابت يمينه رجال
بالموزمه السلطان...لاهل الحقد دفّان...من خصمه شاه البال
هزهزهه للاركان...وي صيحة الرضعان..من نادت الاطفال
وتوجر الميدان...واشتعلت النيران...من جف علي الجتّال
صفت هالكوم شجّايه...ندب للموت شرايه..انه ابن حسين
لبو الحسنين وفّايه..نحامي الدين والاَيه..واضحي العين..فنه الصوبين



ما ثنّه ضربه ودوم..ما خلّه كَاع تلوم...ما بيهه جف لو راس
كثرت جثثهه الكَوم..ضل بن سعد محموم...فر عكله من الراس
صاح الشمر مهزوم...كل جيشي خله يكوم...من راسه حد الساس
جيشي بنفر مجسوم...شنسوي لو هاليوم...يتحضر العباس
قطف هالروس مواله...ينادي يمين وشماله...انه ابن حسين
عيون حسين تبراله...نحر هالروس يحلاله..ضوه الكونين..فنه الصوبين



بكر ابن غانم طاح...تثكل خضابه جراح...راسه بيمين الزود
من جابه الاكبر صاح..جن جبدي بيه رماح...منّ العطش ممرود
رف جبد ابوه جناح...دمعه على الاكبر لاح...كَلّه الصبر مريود
صد للحشود وناح...من يمه الاكبر راح...ابن الكرم والجود
رجع ويصيح برجوعه..اله الصيحات مسموعه...انه ابن حسين
نكس رايات مرفوعه..جثث عالكَاع مصروعه...جسيرة عين..فنه الصوبين



داس المنايا وفات...ساجه الخصم ونات..ليث البراري
كَال اَنه للكلفات...واتكفل الصعبات...بالحك شعاري
اسكَي الخصم اَهات...واهدي العلل جمرات...واضح مساري
اكَصد علا وجنّات...واعلك ضوه وشمعات..ليلي ونهاري
خذيت الحيل من حيدر..واخذت الجود من شبّر..انه ابن حسين
تضل صولات تتكرر...واذكر الكَوم والمغتر..بدر وحنين...فنه الصوبين



فر خصمه عنّه بعيد..عالكوفه بالتحديد...جيش التعالي
والضيغم ابن الحيد...جن عنده يوم العيد...ابن المعالي
صاح الجيوش تبيد...هيهات ابد ماهيد...كل احتمالي
انحر حشود يزيد...وانثر حمم بالايد...يسره وشمالي
ارد للكوم واتعنّه...لابو الحسنين والجنه...انه ابن حسين
لاهلنه الكوم ما تدنه...حلم هالكوم تتمنه...تمس حسين...فنه الصوبين
رحيم الحسيني الحسناوي







من يصول الاكبر بسوح المنيه...يفجع حشود الكفر بالغاضريه
ـــــــــــــــــــــــــ
صل يصول على المنايه وبيده سيف بيمنته..ماخذ من الدك قلاع اهل الضغاين صولته
مابكت خيل الخوارج والفحول بصولته..من يصيح اَنه ابن الاعظم كل اميه سمعته
من يصيح اَنه الشبل وابن الزجيه....تنفجع كوم الكفر بالغاضريه






سيف الاكبر عالرؤوس الخاويه البالطف يمر..جنهه كوم اهل الضغينه التدنه منه وتنتحر
عنه تبعد من يفوت اهل المجايد تنجبر..لن اسد يهدر يقين وشايل جبال الصبر
بيه شجاعه من الفحل حامي الحميه..يفجع حشود الكفر بالغاضريه






بتر بزوده الجماجم عاليمين وعاليسار...روح ابو اليمه ويقينه يعله بيه الافتخار
نورالاكبربالشدايد يبقى وابن الحك منار...هوه للكلفه الامام وسيفه يعني الانتصار
نوره نور المرسل وخير البريه..يفجع حشود الكفر بالغاضريه










سل عليهم باليمين الموت الاحمر من عبر..عنده عين ابن الزجيه وعين ابو الغيره الكمر
لعنة الله على التولّه وكال ابو القاسم هجر...لعنة الله على الغصب ارض الفدك يوم الغدر
هذه الاكبر من ولوه الناصبيه..يفجع حشود الكفر باالغاضريه








لعنة الله على الظلم زهرة محمد والطعاة...لعنة الله على اليعادي حيدر وولده الاباة
والله ما ناخذ هوانه بلايه حيدر والحياة...هوه شافع للرعيه وبسمه كل درب النجاة
هوه مولى المتقين الرافضيه...يفجع حشود الكفر بالغاضريه




مانمل نبقه على عهدك سيدي ومهما يصير..خلهه كوم اهل السقيفه خلهه تاذينه وتجير
احنه نتبع راية الله وننصر المهدي النذير...مانبارحكم يوالي خلهه لو كلشي اليصير
احنه نتبع فاطمه وربهه ونبيه...يفجع حشود الكفر بالغاضريه


يوتيوب باوزان اللطميات
http://www.youtube.com/watch?v=9AOaxQajFfw