[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

هوســـــــــــــــات فــــــــــي أعيــــــــــاد الغديــــــــــر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
علي إبيوم الغدير إنرفعت إذراعه == أمُر من الأله إو أحمد الذاعه
بعد عيني الولي حيدر إله الطاعه
والكُل بايع حيدر والي
ـــــ
إلَك حبّي إو ولائي من زغر سنّي == تسمعني يحيدر من أجي إبونّي
أبد يابو الحسن ما خيبت ظنّي
تمحيها إهمومي إو آلامي
ــــــ
علي إسمك عذب فيّاض يرويني == يانبعة عشق مزروعه بسنيني
أظل أهواك وإطيوفك تباريني
وألهج بسمك صبحي إو ليلي
ــــــ
علي كَل مَنْ يشك بولايتك خسران == والعافك علي لازم يظل حيران
علي إنتَ الصراط إو تابعك فرحان
تاخذ بيده إبيوم المحشر
ــــــ
خالفت الهوى ياباالحسن مولاي == ما طعت النفس ما غرتك دنياي
حالفت الهُدى ياسيدي إو رجواي
طلكت الدنيه إو زينتها
ـــــــ
ما آمن أبد ناكر علي الكرار == والجاحد إلَه كافر يصيبه العار
ولاية حيدره واجب تزيح النار
أنوار الحامي إتطفّيها
ــــــ
علي نورك أبد ما ينطفي للدوم == علي فضلك أبد ما يختفي إو معلوم
والأشقى الجحد حقك غبي إو مذموم
ياحجة الله إبدنيانه
ــــــ
بلّغ يارسول الله كُل الناس == بعدك علي هُوّ الولي إو نبراس
لَتخاف البشر لو سطوة الأرجاس
جبريل البلّغ هادينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
مع تحيات شاعر اهل البيت / جابر النجفي