[زكي الياسري]

لطمية إلى اشبه الناس خَلقاً و خُلقاً برسول الله صلوات الله و سلامهُ عليه .. ثوابها لكم و الى امواتكم و اموات شيعة امير المؤمنين عليه السلام من لا ذاكر لهم يذكرهم لا سيما الشهداء الكرام و خدمة الامام الحسين الشهيد عليه السلام
و أسألكم الدعاء
زكي الــيـ النجفي ــاسري
لسان حال سيدتي ومولاتي الزهراء عليها السلام
تخاطب تربة كربلاء و تواسي ليلى عليها السلام
بمصابها بعلي الاكبر عليه السلام

يهالكَاع جسد منهو دفنتي ؟ بالاحزان كَلب منهو فجعتي ؟
يكَاع الطف شَبيهِ المصطفه الهادي
يكَاع الطف لِسان الفاجعه اينــــادي
يهالكَاع جسد منهو دفنتي ؟
1
يكَاع الطف وصل ضعن الهواشم
يكَاع الطف الي اتردّينه سالم ؟؟
بجت لمن وصل كِـــــــــل المَعالـم
يكَاع الطف غرايب هلفـــــــواطـم
مُنى يطول دربهم للمنايه .. و لا شوف صور ذيج الرزايه
على هونك على هونك يهالحادي
يكَاع الطف لسان الفاجعه ينادي
يهالكَاع جسد منهو دفنتي ؟
2
علي هذا علي الاكبــــر تعرفيــــن ؟
شبيه المصطفه وضي عين الحسين
يكَاع الطف وسف يا فاجعــــه وبين
دعت ينحز نحر مـن الوريديــــــــــن
علي شلون سِيوف الشر توذره . كَمر كيف تِعَــفـّر وَجهه غَبره ؟
يكَاع النايبة اشسويتي بــــولادي
يكَاع الطف لسان الفاجعه ينادي
يهالكَاع جسد منهو دفنتي ؟
3
يكَاع الطف هضُم دلاّلـــي ما صــار
دهر بيه اشعمل يا ويلـــــــي غـــدار
شنو المِنّي صِدَر هلــــدوره ينــدار؟
خذاهم من أديه اصغــــار و كبــــــار
يهالكَاع انه الزهرة الزجيه .. تِـردّين يكَاع ابــدَم عليه ؟؟
انه الزهره و ألــَمهُم باقي بـفــّادي
يكَاع الطف لسان الفاجعه ينــــادي
يهالكَاع جسد منهو دفنتي ؟
4
رجع لُمّه الحزينه مِن الميـــدان
يكَاع النايبه تدرينـه عطشان ؟؟
لكَاهه تندعي يـــــــــارب يامنّان
أريد اوليدي يرجعلـــي للصيوان
يمن راد لــَـيوسف من مغيبه .. لــَيعكَوب فرح كَلبه ابحبيبــه
نخيتك يا إلهي اتلبيِّ امـــــــــرادي
يكَاع الطف لسان الفاجعه ينــــادي
يهالكَاع جسد منهو دفنتي ؟
5
شنو الكَاله الكَلب شِتحَمّل اوجاع؟؟
يليله شل حصل من حــان الــــوداع
علي الاكبر شبل ضي عيني علكَـاع
طريح و ادري كَلبج ويلــــي ملتـاع
بلا راس صدكَـ يا ليله جسمه ؟؟ و الجروح مَلَت يا ويلي لحمه
نذبح عطشان ياويلي ابجبد صــادي
يكَاع الطف لسان الفاجعـــــه ينـادي
يَهالكَاع جسد منهو دفنتي ؟
6
أنه الزهره وعليك اهمـــل يالاكبر
دمع عيني نهر و اللوعــــه كوثــر
ينور اعيوني جسمـــك مــــن تعفـَر
جره دمعـــي جمُر وكَليبـــــي مَجمَر
أويلاه على امصاب الدهاني .. سهم آه وسط جبدي رمـاني
يريتك ما رحت يا شمعة الــــــوادي
يكَاع الطف لسان الفاجعـــــه ينـادي
يَهالكَاع جسد منهو دفنتي ؟
زكي الياسري النجفي


تمت بحمد الله تعالى
07.11.2011
زكي اليــ النجفي ــاسري
كيل