[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

مجالسكُـــــــــــــــــــم يشيعـــــــــــــــــه
ــــــــــــــــــــــــــــــــــــــــــــــــــ ــــــــــــــــــــــــــــــــــــ
أحب آني مجالسكُم يشيعه == أنَــــــه الصادق إبن أعظم وديعه
ــــــــــــــــــــــــــــــــــــــــــ
أنَــــــــــــه الصادق إبن حامي الحميّه == صرت شوكه إبعيون الناصبيه
صرت عنوان للشيعه إو هويه == ينادوهُم بِسِم ياجعفريه
أسّست المدارس للشريعه == أنَــــــه الصادق إبن أعظم وديعه
ـــــــ
انَــــــــــــــه المظلوم سمّوني النواصب == حقد بيهم عليّه إو غيض لاهب
يعرفوني عَلَم كُل المذاهب == يشيعه ما تذكروني إو أعاتب
مِليت الدنيه بِعْلومي الوسيعه == أنَــــــه الصادق إبن أعظم وديعه
ــــــــــ
عِلِم عندي أساس الكُل حضاره == صرت للدين أنوار إو مناره
كُل مذموم غيّرت إبمساره == هديته الخير وإبأجمل عباره
هديت الناس بفكاري البديعه == أنَــــــه الصادق إبن أعظم وديعه
ــــــــ
أظل راية مجد منصوره بالكون == والرايد يطفّي النور مجنون
يِتِم النور باري الكون يدرون == والينكُر مجدنه إيصير ملعون
ما تشفع إلَه أمنَه الشفيعه == أنَــــــه الصادق إبن أعظم وديعه
ـــــــ
يزاير للبقيع إشتم تُرابي == ما عندي ضريح إتراب بابي
هدموه إبحقد واني إبمصابي == يظل للغايب المهدي عتابي
غيابه طال وتْنَطّر ربيعه == أنَــــــه الصادق إبن أعظم وديعه
ـــــــ
يشيعي إحيي أمرنه بالمآتم == كُل دمعه تُصب تجمعها فاطم
بالمحشر تنال الفوز غانم == جوازك من علي الكرار لازم
إلَك أضمن منازلنه الرفيعه == أنَــــــه الصادق إبن أعظم وديعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=0df8d36175