[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

هوسات في إستشهاد الحمزه رضوان الله عليه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ما مات الشرف أبداً فلا نِنْساه == يبقه النور من تُربَه يصيح الآه
عم المصطفه الحمزه إو نظل نهواه
وإبزود الناصر نِتْباها
ــــــــ
كالأشجار من تذبل تموت إوقوف == من يجبل يعشعش بالجيوش الخوف
شهم عمّه النبينه إو ما يرد ملهوف
صولات الحق ما نِنْساها
ــــــــ
صفاته الزود والأقدام والأيمان == حمزه إو شاع صيته إبحومة الميدان
نصر أحمد ولا ذل للكفر ما هان
كُل زينه الأحمد سوّاها
ــــــ
حِمَه الأسلام سيفه إو ما يهمّه الموت == لجل الدين للأخطار يمشي إيفوت
بقه الحمزه يشع نوره إو ينادي إبصوت
ما يطفي الناصب أنواري
ـــــــ
مِلَه روحه الشرف ما تقبل الشينات == ما ذلّت أبد والشر جزاها إو فات
وإبسيفه لهيب النار بالصولات
صولات الحمزه إنحن ليها
ـــــــ
حمزه إو بيه يتفاخر رسول الكون == رسم دربه الأبي إو صار الحمه والعون
بجفوفه إنذبح كل مجرم إو ملعون
وإبدمّه الثاير حنّاها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
مع تحيات شاعر اهل البيت / جابر النجفي
إسمعوا الهوسات على هذا الرابط
http://www.alshiaclubs.com/upload//v...ile=74b8ad9935