[رحيم الحسناوي]

يامن اهلك تحضر بيوم احتضاري..يابو موسى لحجّتك طال انتضاري
منتضر شبلك يبو الكاظم يجينه...ويفرز كَبور البقيع من المدينه
يابو موسى لحجتك طال انتضاري


ــــــــــــــــــــــــــــــ
ــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــ ــــــــــــــ







على مصابك لزيد الون وزيد النوح..يديوان المكارم يا سفينة نوح
يتامه الشيعه وكَلوب العطاشى تلوح..على درب البقيع وتعتليهه جروح
اوديلك دمع دم يوي حمام الدوح..وانشدك يمته نسعالك زحف ونروح
تربه عيني على الدرب يبن الزجيه..وانته لا حضره وعلم بارض الوطيه
وينه صلصال الليوث المهدي وينه..ويفرز كَبور البقيع من المدينه
يابو موسى لحجتك طال انتضاري






الك وسط الدليل الما نساكم داي...يَ نوح اهل المصايب من يتيه الراي
حرت بين البقيع ونحر الوفّاي...وعلى حسينك يجعفر دكَ جبينه الماي
اريد انحب وابجي اهل الارض وياي...اَسَمعك ون لحد ما يستجير بجاي
والعن ابن ارجس ملك والعن وليده...واسجب دموع الحزن لابن الصميده
وينه مهدينه ويجي وينغر علينه...ويفرز كبور البقيع من المدينه


عَلَي من يلحكَ اَنه بجية الطوفان...ولا تنفع بنين ولا انس لا جان
يمن بهلك شمت من شكَكَ القراَن...دخيلك وابره لك من عائشه ومروان
مشت كلهه الطغاة اهل الزمان الجان...ولحد يوم القيامه انته التضل سلطان
تبقى سيف الرتضى وشمعة محمد...ما خمد دين النبي وبسمك تجدد
يا وكت يضهر شبل حيدر علينه..ويفرز كَبور البقيع من المدينه


اسولف والسوالف تنتحب لحسين...ويزينب ما بطل منهه الدمع بالعين
سلتهه الغاضريه وحزماهه البين...علت بيهه المصايب والعلل صفين
يهضم العالشريعه وطيحت الجفين...يسهم الحز علي الاصغر دمه الكونين
وجم نحر ناحت عليه الفاطميه...والحُسين من انذبح بالغاضريه
المهدي ياخذ ثار ابو اليمه ونبينه..ويفرز كَبور البقيع من المدينه
يابو موسى لحجتك طال انتضاري



اعد بالنايبات وما لكيت عدال...عجب نال الزمن من خيرة الابطال
اميه من اَسَرت بالغاضريه عيال...تفاخر عالعرب وتعلم الاجيال
حقد بيهم بغيض وعالهواشم سال...ويعرفون اَل اميه الطالبيه رجال
يبقه بدر المرتضى ويضوي الليالي..كلهه تحت الواطيه وبس هوه عالي
وسلم الرايه العجيد بجف بنينه...ويفرز كبور البقيع من المدينه


شوكت قائم محمد بالسلامه يعود...يرد حكض الاطايب والعلم والجود
انه ادريبك جريب وكل وكت موجود..خذتنه اهل الغدر يالحجة الموعود
اخذ ثار العقيله ومن ابوك الزود...عدالة حيدره وجف يمنتك مريود
انهض واخذ القصاص من اَل اميه...شتّت حشود الحقد والناصبيه
ننطر الرايه الترفرف وي ولينه..ويفرز كبور البقيع من المدينه
رحيم الحسيني الحسناوي