[رحيم الحسناوي]

زينب هوى بفيض الدمع عاليهه...مشونه ويه دمعتهه العلل نجريهه
فيض الدمع نهديهه..ولكربلا نواسيهه
مشونه ويه دمعتهه العلل نجريهه

ــــــــــــــــــــــــــــــــــــــــ
عالحرّه زينب صارت الدنيه تدور..شافت على الرمضه بهضم تدمي نحور
طف كربلا البيهه المصايب والجور..بيهه على روضات الثره الدم منثور
كتبت على الصعبه العقيله احلى سطور..وتلاوت ويه اهل المضالم بالنور
من حيدر انوار العقيله تلالي...رغم النواصب صار اسمهه العالي
بالماتم نعزيهه...ولكربلا نواسيهه


رفعت اسمهه وكمّلت للثوار..بنت الرساله وبت علينه الكرار
صارت علم لاهل الشيم والاحرار...منهه الكفر صارت عدم والفجار
اعظم سبيه اكفر شمر ذمهه وسار...جانو يضنون انهدم سور الدار
روس الفحول على الرماح بدمهه...وفوك الارض هاي الجثث شيلمهه
بينه المصيبه وبيهه...ولكربلا نواسيهه
مشونه ويه دمعتهه العلل نجريهه


دارت على الحره العقيله الصوبين...وجيوش اميه تهوس بثار ودين
شاه الفكر بيهه وتصد بس لحسين...عالمشرعه وتندب يراعي الجفين
يبن البطل شوف شعمل بيه البين...كَوم الحك اختك يبن ابوي وكر عين
ترضه ليزيد ويه الحرم يهدوني...وعلى الهزل خويه العده يودوني
بينه الذي ياذيهه...ولكربلا نواسيهه


صوت اليتامه ويه الحرم يا هالناس...شاب الكَلب بيه وفكَد عكَله الراس
لو يدري بضعونه الولوهه الانجاس...يفنيهه ابو جفوف التلاهب عباس
نوماس ابو الغيره ونعم من نوماس...ساجي اليتامه وبالشدايد نبراس
عباس ابو الغيره البحر راعي الزود...شد عالمنايا بسيفه يشهدله الجود
واحنه النفس نفديهه..ولكربلا نواسيهه

صحره وهضم كل الدرب ويه الحر..ويه الدمع يوم الجفن من وجّر
اه الفكَد باهل الهواشم تسعر..والمالم لفكَد الاطايب حدَّر
كَلب العقيله من المصيبه تمرمر...وبكربلا حسين بدماه مطبر
بالطف بكَت نمزف دموم الوليان...ضيم الجره على اهل الهواشم ماهان
وبكل سنه نرد ليهه...ولكربلا نواسيهه
مشونه ويه دمعتهه العلل نجريهه

سليت انه وشوصف يخي من حالي...مامر عليه البالعلل شل حالي
بين الدمه وخيل الرجس تبرالي...انعه ونعي الراحو غدر يحلالي
يحسين اصيحن سلوتي وموالي...ماحسبت هذه الحصل يجرالي
اختك تجر حسره ودمع من العين...واسري على خطوات الرمح اه يحسين
وراية علي نعليهه...ولكربلا نواسيهه
رحيم الحسيني الحسناوي