[رحيم الحسناوي]

صَدّ الحسين على الرعيّه وداره..شاف العقيله تفاخرت بانصاره
كَلهم تريد اهل النفاق دمانه..كَالوله تعجز اَل اميه ويانه
شاف العقيله تفاخرت بانصاره

،،،،،،،،،،،،،،،،،،،،،،
،،،،،،،،،،،،،،،،،،،،،،،،،،
هودل حبيب الرايه يم خيمتهه..ام الخدر يوم انزلت دمعتهه
صاح الطفوف بكربلا وتربتهه..تشهد يبنت الماتت بحسرتهه
ننصر حسين الماله كَوم تعينه...ننزف بحور من الدمه لوالينه
نطعن سيوف الماغفت بعدانه...كَالوله تعجر اَل اميه ويانه



عابس تجنن بالحسين وكبّر..صاح اَنتصر للزهره لو اتوذر
مو مسلم العاف الطهر واتعذر..هذه الفلاح بهالمضارب وجّر
ابن الزجيه اهل الحقد يردونه...تجفي وتضيع اهل الارض من دونه
ابن القلع باب الكفر مولانه...كَالوله تعجز اَل اميه ويانه



صَدّ الحسين على البكَوله بحسره...ياهو الكَلب بنت الرسول يجبره
صارت سماه من المصايب حمره..وتوجرت بالهم عليه الغبره
بارض الغرب ضلت تنوح عياله...حر وعطش وابن المكر جتّاله
نادوله كَبلك بالشدد تلكانه...كَالوله تعجز اَل اميه ويانه



شدو على دروج النوايب والبين..نذرو مهج لابن الاطايب والعين
شالوهه كلفات الطفوف الصوبين...وفّو عهد لابن الفحل روح حسين
واسوهه زينب بالمصيبه وشدّو....فوكَ المنايا وكَوطرو وتعدو
صاحو لوا الجافل ضعنهه لوانه....كَالوله تعجز اَل اميه ويانه



وسفه الحرم مسبيه بالبر تنجر...وسفه العقيله بلا فكر تتعثّر
بين الخيم بين المشو تتمرمر...يوم الصبح راس الامامه مطبّر
يوم الجفل سهم المنيه بعينه...وجسمه على روضات الثرى موذرينه
زلم التعنت للفتح لهفانه...كَالوله تعجز اَل اميه ويانه



خيمة علي جيوش الكفر حركَوهه...وزينب على ضهور الهزل حطوهه
لابن الرجس لارض الغرب ودّوهه....بحبال ابو الباطل تره وشدوهه
ما ضلّت تحامي الحرم من رجال...شت الفكر ما ضل عكَل تاه البال
وافو علي الضل جالشمس عنوانه...كَاوله تعجز اَل اميه ويانه
شاف العقيله تفاخرت بانصاره
رحيم الحسيني الحسناوي