[ضي الحجه]

الى المولى مولاي ومولى المؤمنين علي بن ابي طالب ع

بقلم الشاعر يوسف حسن

ما صدك كصير القامه يا مولاي
ما اكدر ابد واستوعب الحاله

جذب حيدر كصير وهاكم البرهان
من فوك الفرس يشمر الخياله

جائز حيدر ابطول الرسول ايكون
لان بات ابمكانه ابيوم ترحاله

وبفراش الجبل ميصير تل ايبات
لازم جبل مثله ونفس تفصاله

مقصوده السوالف هاي جذابين
الكصر لوله وحشه اللوله تدناله

بحزامه الفقار ايكلي جان اكصير
معقوله الفقار ايخط وره اذياله

وبما انك علي ومخلوق من نور
اذن طولك شعاع الضوه بهلحاله

ويشهدلك نعم خيبر يبو الحسنين
ضخم جان وجبير وبالوصف هاله

ولزم عروة الباب اشلون
فسر هاي لاتفسر اشلون انشلعت اقفاله

على طولك شمس وعيونهم حفاي
شافك من بعيد اكصير حسباله

احفر قبر مرحب وابن ود وشوف
اتعرف حيدر طويل اشلون بفعاله

عمود السيف ينزل جان فوك الروس
ما يضرب الكصه الهامه منواله

باوع علضريح وكول جان اكصير
اذا كل هلضريح وكوه كفاله

اقنعني ابكمر هاشم ليش جان اطويل
علي يخلف ولد يطلع شبه خاله

على طوله السمه واضعاف طول الكون
وانجوم السمه امجلبات بذياله