[رحيم الحسناوي]

بهالغرب حبك يبو محمد وطن..نفرح ونهدي التهاني يالحسن
مولدك راية معالي..باسمك تضوي الليالي
نفرح ونهدي التهاني يالحسن
ــــــــ
هل كَبل عيد الفطر بالدنيه عيد..ولبست الدنيه الفرح ثوب الجديد
نلهج اسمك سيدي بحبه ونعيد..ياامام المؤمن وصرح المجيد
انجمعت اليمنه بشمالي..باسمك تضوي الليالي


ياذخرنه بجيتك ما تغفه عين..نهني بيك المصطفى واَل الحسين
ياحبيب المرتضى وحق المبين..يا حفيد الزهره ام الطاهرين
بالسمه انوارك تلالي..باسمك تضوي الليالي


مانمل حبّك يبو الغيره الامين..انته مولانه وصرح للمؤمنين
بسمك نشد العزيمه ونستعين..ومانهاب اهل النفاق الكافرين
تبقى منّ الاغلى غالي..باسمك تضوي الليالي


جنه حبك يا حسن يبن الامام..مايوصفك لو يمل روحه الكلام
انته سيف المرجله وللحكَ حسام..زلزلت روس الكفر واهل الخصام
بخيمتك فخري ودلالي..باسمك تضوي الليالي


كلشي لجلك يا ابن حيدر يهون..وباسمك وباسم الله وشنطلب يهون
خل يموت ابن الكفر واهل الضنون..احنه من غير الحياده مانكون
حتى لو كَالو نغالي..باسمك تضوي الليالي


غنّت طيور الفرح يبن الاباة..يا املنه ويا درب بيه النجاة
بغير اسمكم لحضه ما تحله الحياة..ولا نعوف المرتضى ليوم الممات
حيدر بروحي وخيالي..باسمك تضوي الليالي
نفرح ونهدي التهاني يالحسن
رحيم الحسيني الحسناوي