[مهيمن الاسدي]

ولو مافرحت الزهراء ...
ماتفرح الشالت بل كلب جمره ..
منو يخليها تفرح ٫٫ يا ضلع ٫٫ ياباب ٫٫ يابسمار ..
يا حسره !!
بس نكدر نكول ابتشرت الزهراء ٬٬
وفرق مابين معنى الفرحه ٬٬ والبشرى ..

من يظهر القائم من يشيل السيف ..
من ياخذ بثار الضلع والعصره ٫٫

من ياخذ بثار المنذبح عطشان ..
وبسم حسين يعلن عل ظلم ثوره ٫٫

من يوكف يقبل راس ابو السجاد
ويسحك روس كلمن حارب العتره ٫٫

من يوصل يطيّب خاطر العباس ...
ويكله ابشر .. تره زينب بقت حره ٫٫

ومن يكتب بأيده شصار بالتاريخ
وغصبن عل عقول الماقرت تقره

ما فرحت ولكن تفرح الزهراء ٬٬
ومثلنه بكل حنين ولهفه تنتظره

مافرحت ولكن تفرح الزهراء
اذا جف السطرها القائم يسطره ٫٫

ويرد مو بس فدك ٫٫ كل شبر فوك الكاع
يثبّت فوكه راية ملك للزهره ..

تره كلب الزجيه الطاهره المكسور ..
بس المنتظر من يطلع يجبره .