من هو الشاعر في نظر طارق المحياس؟؟
ترى الشاعر عباره عن مشاعر داخل الاضلاع... اذا طلعت من الخاطر بتوصل كوكب الزهره
احساس قلب هو لقب الشاعر طارق المحياس
هل نفهم من ذلك ان احساس قلب هو شاعر حب و شاعر العشاق؟؟
أنا ماني بشاعر حب ولا شاعر العشاق... أنا وبكل فخر شاعر فقراء الناس وأضعفهم
أنا شايل على يديني بقايا قلبي الخفاق... وأشعر بالفخر والعز إذا إني جيت أوصفهم
أنا يشرفني لو حبري يخط بصفحة الأوراق... ويرسم للحزن فرحة ويعبر عن مشاعرهم
أحس بيني وبين الناس عهد ووعود أوميثاق... وآخر شي أفكر فيه أكسبهم أو أخسرهم
ولكن دام هالدنيا دنيه ووقتها سراق... يشرفني ويسعدني أكون اليوم شاعرهم
كما نلاحظ اصبحت الساحات اليوم تعج بالعديد من الشعراء منهم من يعبر عما يدور في خوالج نفسه ومنهم من يصطنع الاحساس..
الى اي الحزبيين ينتمي الشاعر؟؟
انا ما اصطنع شعري ولا اصارع عليه صراع...
لقيت الشي ذا فيني وقلبي حبه من صغره
اخذ من وقتي كل وقتي وبين الناس شعري شاع
واذا اني قلته باحساسي اخذ من صوتي كل نبره
وصلتك رسالة من محبوبك الغالي يشتكي بعدك عنه
قائلا :
ناظرني بطرف عينه وقال: ( لو تفارقنا أموت)
وافترقنا لا رسايل ولا صوت
وكنت دايم أسأل؟
يا ترى وش صار فيه!
قالوا: "مبسوط" وصار أجمل من أول.
ابتسمت!
وقلت هذا اللي ابيه
" لكن مدري ليش صدقته يوم قال لو تفرقنا أموت"
ماذا سيكون ردك عليه؟؟؟
يا غالي موت انا احبك وحبك ماهو من توه...لو فرطت فالدنيا تاكد ما افرط فيك
لانك عالمي وكوني وشخصيتي والمروه
لانك شعري واحساسي وتفكيري وانا شاريك
لانك عطري وانفاسي ومبالاتي وكل هقوه
ولانك لا مبالاتي وكل طاري غدى طاريك
لانك انت اصلا تاج على راس كل بني حوه
لانك بالدلع عفوي ولا في واحد يجاريك
معشوق طارق المحياس خانه في يوم من الايام ولكنه بعد مدة عادت به الذكريات ليسأل عنه و عيونه مغرورقه بالدموع مشتاق للحب الحنون .. بماذا سيرد الشاعر؟؟
من متى تسال علي من متى صاير حنون
شاللي رد الذكريات من بعد ما انته نسيت
صعبه مو قادر اصدق ليش دمعك بالعيون
كيف تطلبني حناني من بعد ما انته قسيت
كنت الاول في عيوني عالي وغالي وتمون
بس حسافه من عيوني طحت يوم اني بكيت
كنت اسال نفسي دايم شالسبب انه يخون
ما تصدق لو اقوللك اني والله ما دريت
وش تقول انته وتردد أي محبه واي شجون
كنت ادور لك عذر واحد ولكن ما لقيت
كان به كلمه اخيره من قبل لا ترحلون
ما هقيت بهالسهوله تنسى حبي ما هقيت
ابتليت بحب ذقت من وراءه الهم والسهر والسهاد
هل شكيت همك في يوم من الايام لاخ او صديق؟؟
ما شكيت وما حكيت ان زاد همي والطعون
ولو يزيد الهم فيني ما حكيت وما شكيت
بس كلهم يسالوني ليش ذبلانه العيون
يحرجوني دوم واسكت لاني فعلا ما دريت
ان سكت يزيد همي ولو اشاكي يعذلون
ولو ادور حل واحد يا أصايل ما لقيت
مدري شسوي في عمري لو اقول انها تهون
تكبر وتكبر زياده واشعر اني انتهيت
رسالة توجهها لشخص غالي حالت بينك وبينه الظروف؟؟
كفايه صار لك شهرين غايب عني يالغالي
كفايه يا اعز الناس ترى والله ما أقدر
دخيلك لا تخيب فيك هقواتي وآمالي
واذا انها عالصبر والله وغلاتك عندي راح أصبر
كلمة في حق الشاعر الفارس سمو الشيخ حمدان بن محمد بن راشد ( فزاع)؟؟
يا خويه هذا شاعر فارس مثقف وصيته ذاع
تصفق له جميع الناس من الروعه اللي في شعره
تحت امره هبوط هبوط وحالا لو يقول اقلاع
ووالله من كثر حبه حفظنا كل ابو شعره
وهو بحر الشعر اصلا وانا رافع فبحره شراع
كلام الحق ما يزعل ولا يذبل ابد زهره
يروض كل خيول الارض وكل خيل لامره طاع
وابيك تشوف شيسوي فسباق الخيل والقدره
الأم مدرسة اذا اعددتها اعددت شعبا طيب الاعراق
كل منا يشهد بفضل امه عليه من قبل ميلاده الى اخر يوم في عمره
كما ان له مطلق الحرية في التعبير عما يدور في نفسه
كلمة في حق شمس الشاعر طارق المحياس؟؟
أنا أشهد إنها شمسي
تنور عالمي وتنير
أقــول سبحان خالقها وربي قادر ويخلق
انا ما ألــوم كل ما غار لأنها بالفعل هي غير
كثر ما أعـــطيها من وقتي أحــس من وقتي هي تسرق
تبي أكــثر تبي اكثر وهي تستاهل التقدير
واذا غابت عن عيوني أحس إني بديت أعرق
واذا غاب أي حد ثاني بصـــــراحه أقول وخير يا طير
انا لولاها ماأحيا أقــــول الصدق وهذا حق
تربـيــني وتعــلمني ومهما كــبرت توني صــغير
يا أحلى أم فالـــدنيا وأنـــــا مدري طـــلعت أعشق ...وأنتي عشقي الأول عسى دايم صباحك خير
نلاحظ نزوح الاغلبية عن البلاد في فترة الصيف الى العديد من الدول الاجنبية بحثا عن الجو المناسب؟؟ كلمة في حق هذا الوطن المعطاء ؟؟
ولا باريس ولا لندن ولا روما ولا اليابان
ابحيى دنيتي واموت وانا اردد اماراتي
لهيب الصيف في بلادي ولا العيشه في هالبلدان
يزيد الحر طاقتنا ويعلمنا المرواااااتي
ولو قالوا تعال وشوف فينا او بلد الالمان
سويسرا قبرص اسبانيا وبلجيكا ولا تحاتي
تعال وشوف امريكا وانسى الوقت والازمان
اقول الله عطاني بلاد لها خالص تحياتي
كلمة توجهها لكل من أخطأ بحق الشاعر طارق المحياس ؟؟
بقولك بس شي واحد ترى قالوه بالاجماع
ومن قاله ترى قاله قناعه تجربه وخبره
ترى من يوصل القمة يحسده من سكن بالقاع
وهالشي من قبل معروف يعني بس على فكره
هل لنا ان نسمي هذا ثقة الشاعر بنفسه؟
ثقة كيفك تسميها والا سمها بطره
**احساس قلب**
العرض الشجري