[رياض الرسل]

السلام عليكم
اليكم قصيده بحق وفاة القاسم
بن الامام الكاظم (ع)

علما بان القاسم قضى حياته غريب
ومات غريب بعيدا عن اهله خشية الظالمين
قبره الشريف في منطقة القاسم وهي على اسمه
قرب مدينة الحله
*******************

ويوجد قول الى الامام الرضا (ع)
عند دخولك الى الصحن الشريف

من لم يستطع زيارتي عليه بزيارة اخي القاسم
*****************
نعزي الليله ننحب نگصد الكاظم
بوفاة ابنه الغريب ونبچي للقاسم
*****************
نعــزي الكاظم بنيران مستعــره
ونبچي اعله الغريب ونسچب العبره
باللوعه گضه وبالغــربه كل عمره
حيدر جده شوف ويخدم الوادم
****************
خدم ناس بحياته وراسه مرفوعه
وبالغـربه ابـد ماجـفـت ادموعه
ابن الكاظم وضل عايش بلوعه
خادم يخدم وبس بالفقه عالم
*****************
ضل يعصر بروحه ومافتر باسه
مثل عباس عمه غيرته براسه
عاش بغربته وتحترمه كل ناسه
ملك چنه تشوفه ولا تظن خادم
***************
ملك چنه تشوفه وناسه تحترمه
وماخذ من ابوه كل هيبته وعلمه
اشگد رادت الوادم تعرف بأسمه
ماگدرت تعرفه خشية الظالم
****************
يلقبوه بالغريب و لوعته بگلبه
لأن خلص حياته بعالم الغربه
سلم للـقــدر لمــن عـرف ربه
علن لحظة مماته وعالامرعازم
***************
خادمكم
رياض الرسل

</b></i>