[أنا علوي]

اخرج مآتزر من سجنك ابصاروخ
ذبحوا كل هلك ياسيدي أب(قانه)
ياموسى الصدر يلغيبوك اببير
يمأسس(امل)صرت انته عنوانه
لبنانك حسين اومن كثر لطفوف
صرت انته الحسين اوهي لبنانه
يا موسى الصدر نادتك(بنت اجبيل)
لن خيبر اجاهه اوجاب بيبانه
مومعناهه صارت عد بني اسرائيل
او(سيدحسن)ماحطهه بحظانه
موهذا القصد يلتعرف المقصود
وانته ادره اب(حسن)لوسرفن اردانه
يا موسى الصدر يللألك ثلث اعقود
تكتب علصخركلا يزنزانه
الى(الفاتح)ثورته الصارت ابآيلول
بس لاتعتذر وتكول موش انه
لان انته الخطفته ابوقت بي لبنان
مشغول ابحرب مابين اخوانه
(يمعمر)انصحك قربة لله
اذا نته قتلته انطينه جثمانه
ترى (الخيمه)اعله مرمى اسلاح حزب الله
واشعالك سهل لو فتح نيرانه
(يامجنون)اعقل وأطلق المأسور
مو احنه النعوف ابسجنك اسرانه
احنه اهل الصدر نوصلك وين اتكون
ونجيب الصدرونجيبك اويانه
اذا القاده العرب بلعوا لسنهم غاد
فلسيد حسن مايبلع السانه

الشاعرالعراقي ماجد العقابي